朝聖


三萬人坐滿「奧馬哈」一個體育館,就係為了出席巴郡股東會,有參加者形容好似去朝聖。

每年一度巴郡股東會,被譽為「資本主義胡士托」,股東向股神取經之餘,購物亦獲大折扣優惠。

股神都好似歌神上身,先自彈自唱,跟著仲要證明自己寶刀未老,揸電單車都無問題。

對於經濟前景,巴菲特話以佢定義,經濟已經目前已經衰退,因為個人同企業環境、都比過去三個月、或者八個月都要差。

不過他在之後一日記者會上話,對華爾街來說,相信最差情況已經過去,仲話開始留意股市同債市收購機會,目標由二十至二百億美元都得,相當豪氣!

慢著,原來有公司巴菲特都買唔起,就間是貝爾斯登。

股神話,有一個唔識嘅人接觸過佢,問佢有冇興趣買貝爾斯登,但因為時間太倉卒,又唔夠資金(要650億美元!),所以錯失收購機會。

話明係朝聖,要目睹巴菲特風采,當然要問投資策略,不過更多的問題是你估唔到,好似是你會建議我個仔講邊間學校、或者係你同耶穌既個人關係係點。

當然,股東會上巴菲特是妙語連珠,好似問佢點睇自對手債券保險公司前景,他說:「一間公司以十四厘息借錢、或者股價跌左九成半,請問全世界有邊間公司仲可以攞到三個A評級?」

對於自己77歲的身體,巴菲特話自己未有退休打算,至於他心愛的「健康」食品,除了慣常講到的可樂、M&M朱古力外,今年仲有「白箭」香口膠!

當然,這些糖果、雞美酒股東可以任意品嘗,呢個為期三日一直係巴郡股東每年最期待的一天。

名貴珠寶,首飾通通有得賣、巴郡股東可以獲大額折扣優惠

嘉年華會一樣的氣氛,有股東話,這個周末聚會是全世界入場費最高的Party,承為十五萬美元,因為這就是一股巴郡價錢。

不過貴還貴,三萬個股東答案似乎一樣,就是物超所值。

相信呢種股東會,全世界只得一個,香港唔知幾時會有?

留言

匿名說…
大部份香港既上市公司主要股東都係抱住搵小股東笨既想法。

而香港既小股東又係抱住搵快錢既心理。

邊度有可能有巴郡呢D 咁既水平既股東會呀~

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將