2013年11月11日星期一

光棍節


1111日,內地人叫做光棍節。

本身呢一日、一眾單身人士難免會有啲落寞,不過自從4年前,有購物網將呢一日定為光棍狂歡節,大搞折扣優惠、等大家都唔再形單隻影,忙住瘋狂購物。

今年既交易額更加係破哂紀錄、一班顧客由半夜開始一分鐘、已經有超過1億成交,過左5分鐘,成交額10億。

過多半個鐘突破50億、為左買到心頭好 捱夜都無有怕,凌晨兩點已經有90億喇。

馬雲更夜訪巴巴總部,當首個報數出現在大銀幕時、馬雲自己都忍不著用手機影下現場銷售屏幕。

第一分鐘已經有千三萬人湧入、第一個過億成交由小米官方店促成。

原因不難理解,因小米一向對粉絲採取餓機策略,有淘寶攻略一早已介紹要早早預備購物車,等光棍節一開始,就可以拍下心頭好。

這亦解釋為何淘寶旗下天貓商城,在首38分鐘錄得50億成交後,銷售就開始放慢。

值得注意是更多用戶、採用手機進行購物,第一個小時就有千四萬用戶使用手機完成交易,而只是大約一個小時,手機交易金額已經突破十億、超過去年全日成交額。

到中午一時左右,成交終達191億,等同去年雙十一的成交額,亦幾乎是美國感恩節後、「數碼星期一」的兩倍。

除左消費者開心,仲有班商家都好高興、淘寶啊、天貓、京東商城呢啲網店以外,一啲實體店都趁呢個日子,以周年慶、顧客感謝月既名目搞促銷、線上線下都咁熱鬧。

這亦說明了今日一眾家電股板塊、互聯網等齊齊飛天!

十一月過去是銷售淡季,好一個馬雲,想出一個光棍節借口,令消費者多個理由購物,甚至獲總理讚揚。
當然,電子商貿在完成支付後,之後的物流方是高潮所在。

物流業既行內人就話、黎緊呢23日,會係最忙。有些快遞公司為左應對呢個高峰期、將公司操作時間調到24小時全日無休,仲要總動員
連平時做文職甚至管理層都無例外,一樣要落手落腳幫。

如有印象,馬雲之前亦個人搞了一檔全國物流公司,他預計、從事物流快遞人數會由現在只有200萬人,預計10年以後,整個中國從事物流快遞的有1000萬人,至少增加800萬就業。


忽發奇想,拿著這個籌碼,在三中全會結束前多、馬雲又可以取得多少支持?

沒有留言: