2013年11月11日星期一

足球之野望


昔日被批評為不務正業, 今日就成為省招牌、響名聲之作。

恒大搞足球, 可以話還比許家印一個公道, 24年來首次由中國隊伍贏出亞冠盃, 仲要在廣州天河主場、當著四萬名觀眾面前奪冠。

2015年誇下海口話要贏亞冠盃、估唔到提早兩年實現,下一步更會進軍世界球會盃。

單計門票收入、最貴門票賣到成八千蚊一張, 一張球場收入已經有五千幾萬
創下中國足球圈新紀錄, 估計今年恒大門票就錄得一億元

當然一億相對許家所投資近20億搞足球、只可以話九牛一毛, 不過恒大足球產生的界外效應, 就似乎不能單以門票收入計數

恒大樓盤銷售、由09年搞波時只有300億, 跳升至去年923億, 今年肯定突破一千億。有恒大副總裁就曾經向國家體育總局表示、搞足球隊成本效益, 係一比十五

天下間邊有咁著數生意! 恒大樓盤銷售好, 好大程度都係靠樓市暢旺, 不過一隊波可以佔到央視直播30分鐘, 收看人數過億, 已經係史無前例。

而許家印亦都懂算盡條水、寧願放棄一億元的贊助廣告收入, 都要藉直播
宣傳自家推出自營礦泉水產品『恒大冰泉』,總投資額100億, 就引來全國目光。

據聞有國內著名品牌礦泉水老總、本來舒舒服服在家中嘆啤酒睇直播, 點知在電視突然見到球員球衣上大大隻字寫「恒大冰泉」廣告, 老總幾乎連啤酒都噴出來。

最後愈諗愈不安、要連夜CALL秘書, 安排公司高層開會作出應對

由廣州恒大變成中國恒大, 將恒大地產品牌由發展商, 變成國家級身分。呢一步棋, 不能不佩服許家印膽大同時又精密部署, 內地網民就以「恒大之野望」, 形容許家印野心

搞足球、其實係贏多輸少既生意, 結合經濟學及足球名作Soccernomics「足球經濟學」發現搞球隊破產數目絕無僅有。

由1923年到2008年、存活的球隊, 生存率高達97%, 足球經濟學一書更形容
經營銀行都會出現百年一遇雷曼兄弟, 反而經營球隊, 仲安全過英倫銀行。

陷入財政困難既球隊唔係無、不過最終都能夠有白武士相救, 足球經濟學解釋, 足球唔會出現技術過時, 又無國外競爭, 最多有時班主會投資過渡, 但倒霉的只是投資者, 球會最多只會降級

據聞恒大足球已經有意搞上市、而今次許家印奪標, 亦可能令土豪定義有新標準。

有內地網民戲言「土豪」:
由過去帶金鏈變成帶佛珠
由飲中國白酒變成嘆紅酒
由打麻雀變成打高球
由投資夜總會變成投資拍電影搞球會
由豬朋狗友變為EMBA同學會!!

沒有留言: