財經拆局

去年在拆局展望2013年時，曾作出猜測: 「由街市到半山、由中國到南美，市場上、中、下層不同持份者，主題係明年升幾多？ 所謂主題風險，老實，已經懶得想!!」 結果只有一半猜中，因為美股累升25-30%、相反香港股票幾乎原地踏步! 今年主題，相信就是大家要重新學習，沒有Free Money的日子，可以點過? 所謂No Pain No Gain、美國債市投資者就率先學懂教訓，今年持有回報，是負1.8%，指數是自1976年有記錄以來、第三次年度錄得回報。 股市部署、呢兩日大家睇開市埋位，都應該有好多得著。反而想提、吊詭是、去年香港股市樓市，分別錄得兩成以上升幅，今年又巧合地、股市樓市幾乎原地踏步，到底有咩原因? 最簡單猜測、就係呢兩年資產市場，因為全球QE，令資金市主導左資產價格、所以股市樓市，都出現同步走勢。 所以在2014年，要重新學識的、其實是「常態」呢兩個字。 沒有資金推動的資產市場，可能是投資者最要重新適應的地方。 過去5年多得伯南克，令資金幾乎無成本，同時亦催生一個潛在問題，就是有資產及沒有資產的階級，而且出現兩極化。 正是這種貧富兩極化問題，才是真正令全球在位者、都面對辣手問題。 所以教宗方濟各首分告誡文，將矛頭對準資本主義，抨擊助長"金錢崇拜"、並導致全世界不平等，其實並非無的放矢! 查實呢幾年，香港經濟絕非想像中遜色，失業率徘徊在3.3-3.4之間，幾乎可說是全民就業。 但因為資金市，對真正願意工作的人、作出了懲罰，甚至中產亦有向下流跡象。現在是時侯撥亂反正，由經濟基礎因素，對資源作出重新調配。 記著，加息不是洪水猛獸，數據表明，加息往往是在經濟好轉時出現，股市樓市是升多於趺。 沒有了央行無限量寬，中間調整的過程，陣痛難免，不過看到中央有決心推動社會經濟改革，釋放的紅利，其實不容少觀。 經濟學人同金融時報、都認同2013年對中國最大事件，不是錢荒，而是中國再次出現、毛澤東以來最具權力的領導人。 習主席權力進一步增加，甚至架空總理、政治局、以至前朝元老，單睇一個三中全會、幾乎殺投資者措手不及，正正反映、改革的力度可能是遠超想像。 好似金融時報咁講、好多不能想像既事情會發生，包括要有心理準備迎接低增長年代，甚至更多「先苦後甜」的改革。呢點都是2014年、大家要好好觀...

2013年將盡、除左搏炒埋半日市，大部分人都休戰，係時候做下回顧展望。 今年兩大股王、27銀娛同700騰訊，正是Kenny 年初推介兩大心水，最初大家都話佢比「行貨」，點知肯跟佢買、今年分分鐘可以提早收爐，真係唔可以唔比個「Like」鄧博士!! 最近呢轉炒700、賣點係「網遊」加「手遊」，韓國一隻「劍魂」公開測試反應良好，瑞信已經開定「盤口」，預期會成為騰訊史上最好賣一隻遊戲。 加上摩通合奏、估計出年內地手遊市場，明年可以超過200億美元，三至五年更可以超越網遊、結果搞到基金年尾都要追貨追到氣咳! 所以股王可以一鼓作氣、市值首度超過九千億! 九千億代表咩? 五大地產商、即係兩位李生、加埋郭氏兄弟，仲有新世界信和。 騰訊市值加埋，仲有找一千億!! 邊個仲夠膽話、香港有地產霸權? 其實當大家注意力仍然留在微信、可以帶來的手遊收入有幾多時，熟悉內地網絡發展的中環人，已經提醒拆局，要留意係微信同商家結合的能力、可能遠超市場想像! 同淘寶唔同、商家跟本不需要在微信開店，而係透過微信既「用戶登錄」能力，不需要再輸入帳號或密碼，用戶只要在手機按制，己經可以登錄商家既APPS、意味著商戶不再需要建立自己既帳戶體系，就可以接觸2.7億個用戶。 結合埋微信「一鍵掃碼」支付能力、可以話為商家在淘寶以外，提供全新的銷售渠道，而微信亦好識得揀點樣拓展自己銷售網絡，好似頭炮就搵左小米合作，9分55秒就「秒殺」左小米15萬部手機，創左網購銷售紀錄! 微信話好快就會向外部商家、提供有關「賬號登錄、微信支付」，首批測試商家就包括招商銀行以及多間電商、更誇張係連「廣州交警」，最近都接入微信服務號、通過微信向違規停車司機，發出最後通碟，話再唔走就要罰錢。 重要係、騰訊呢啲服務，呢一刻都係完全不收費，好肯定，當市場開始認識微信賬號功能，又有另一番RE-Rating! 最近有內地網民提出、新浪微博面對微信挑戰，已經呈現出衰落趨勢，有媒體引述、新浪微博活躍度距離高峰期，下跌近三成。在另一個社交網分享量排名中、微信既「好友」及「朋友圈」，分別佔排名一、三位，微博只能排在中間位置。 微信有兩個功能、係令微博完全無還擊之力，首先係「朋友圈」可以將原本、發到微博內容，發送到朋友圈。 加上微博不斷加人或者關注別人的做法、令到內容變得泛濫，相反微信有「賬號管理...

二零一三即將過去，今年餘下交易日子僅一日半，即八小時就完成今年。 市況如何，三十一日當然會有總結，財經大事，由退市、安倍、克強到近平經濟學，又或者李嘉誠撤資，財經大事亦會提及。 但回顧二零一三，對本港市場起根本變化，似乎不能遺漏老虎有牙、監管機構抬頭因素： 遠的歐美，資本要求殺到銀行血流成河，而本港，證監會今年充當市場警察，更不時登上國際財經版。 粗略一數，證監會年內最少有五宗大行動；包括歷時一星期成本台頭條的長實雍澄軒拆售回水事件，緊接有商交所、繼而有中國金屬再生下令清盤，近者亦有老虎基金，以及杜軍回水指令。 總之，香港勝在有SFC!!! 好幾年前，施衛民掌管法規部後不久，表明證監不再是無牙老虎。執法要勤，處罰要嚴，按證監會季報提供數字，截至九月底半年度，SFC已完成調查執法行動按年升近一成半，提出刑事控罪個案按年多一倍三、紀律處分通知個案亦升一倍多。 無疑，數字上在在反映，證監會夠嚴，但往往由於數字太多，另一角度看，本港市場質素有待進一步改善，否則證記不會容易砌生豬肉!! 打從一九八年股災，戴維森報告，到亞洲金融風暴，市場年年指要提升質素，無疑證券大法一出，忠奸即分。 但再細心留意，今年先有雍澄軒，繼再老虎加杜軍，通通步其洪良後塵，被下令回水，好方面看，市場日後好自為知，係你終歸你。 但另一角度衡量，凡涉違規，或不按程序進行交易，原來最終可以回水，某程度上，是否為投資者帶來不必要道德風險，值得思考。 中環人指，近年涉及一眾回水個案中，絕非間間屬於洪良，亦非好似長實會連本帶利，諸如老虎或杜軍，水可以叫回，但是旦一方提出上訴，或根本無能為力的話，其實最終局面是，水被下令回，但水最終沒有回，證監會殺得四起的同時，或多或少要考慮回水機制有否被自我濫用。 香港勝在有SFC!! 但SFC肯定可以做更多。我們已經談市場質素，罰則之外，其實還有基建，強化制度等等。 無紙化十多年，已經變得無影化!! 更甚，阿里巴巴一役，或多或少突顯現行上市審批安排有需要變!! 權力或檢控，中間涉及制衡。前刑事檢控專員早前的確指出呢一點，證監會既有調查，亦有檢控權，權力上猶勝律政司，現時順風順水，無事無幹，一旦殺錯良民情況又如何？ 

不能否認，內地已經步入八八、九九時代，意即無論回購利率、拆息等等，全部升至八、至九厘。 如果今日之前仍然以為人行注資三千億為利好消息，或者局限於只懂樂觀，不曉分析。 一，數日內三千億，即真真正正意味有問題。 二，短期流動性七日為限，七日之後又如何？ 三，六月拆息部份廿、三十厘，當時亦僅注入三千六百億左右，今次稍一見十，已用上了三千，難道較半年前更嚴重？ 對於內地資金情況，老實，內地分析比多間外資大行來得深入，正當陶冬流於人行注資門檻提升，或其他大行認為季節性因素影響云云的同時，內地專家首先將六月及今次資金緊張比較，結論有二： 首先，半年前熱錢處於外流，區內徘徊於美國退市憂慮，所以整體上受外圍資金流向逆轉為主。 其次，上次拆息抽升局限於一周之內利息，今次蔓延至一個月，亦大大抵消人行注入短期流動性作用。 內地盛傳禁用「錢荒」字眼，我們對此深表認同。 一，頭十一個月，外匯佔款高達二萬五千億，較之去年全年三千多億，已經爆燈，十一月單月外匯佔款更為今年第三多; 二，整體M2規模多達一百零七萬多億人民幣，按年升一成四; 三，四至十一月，人行僅僅十月份進行資金淨回籠，誰說有錢荒呢？ 我們經常套用「問題」呢兩個字，但真真正正屬於問題在於: 有問題但不承認存有問題、有問題，並且承認，但找不出問題所在、最後問題原來已經屬於結構性。 綜合內地情況，三者之中，最少後兩者符合。既然錢荒不是真正錢荒，又既然六月一次大大鑊，半年未夠又出現兩次，難道以後逄年結、季結、農曆年、中秋、端午、以及黃金周前，均應列為「中國結構性錢荒周」? 美林陸挺判斷問題來得實際，與其再討論拆息何時回落，更應一問金改是否一小步，已有挫折? 而更實在是，人行推行政策即使盤算有序，並且得宜，但人行在市場開放初期，跟商業銀行一樣，同樣經驗不足，評估一樣會有誤。 綜合內地分析，目前擔心會，或擔心經已出現，為利率結構性上升。君不見，年內其實長長、短短利率已經已經升逾兩厘? 構成當前困難在於原有結構問題，包括資金失衡、利率錯配、以及過份依賴同業資產。 更弊，原有結構問題浮現的同時，新存在結構問題包括，去槓桿，企業趕再融資，結果息要升、利率市場化，對銀行來說，存款為最佳緩衝，搶存款之下，結果息要升 內地社科院數字，中央及地方債總額逾二十八萬億，計算企業及居民的全國債務...

美國股市由低位大 彈三百幾，特區市 場卻由高位急回六 百五，相反關連系 數超出一對一。 美 國退市，香港做錯 的咩？難道要請法 官大人主要公道。 法官一定不會就跌 市做判決，惟投資 者一早完成判詞： 美國一退市，香港 屬於全球五大高危 市場之一，就是這 麼簡單。 財爺強調，美國就 算不加息，香港不 一定照跟，此番話 值得注視。聯匯之 下，的而且確，無 話港、美息口政策 要同步，早於七、 八年前，我們的偉 大銀行，已經因為 資金成本高而提早 加息。 撇除銀行體系結餘 ，反映總資金水平 更重要指標的貨幣 基礎，截至十一月 底有一萬二千多億 ，比零八年一月時 三千多億，足足多 出九千四百幾億。 九千幾億錢，肯定 部份屬於QE錢，但 咩情況下，息會因 應結餘或貨幣基礎 減少而回復至當年 三個月拆息二厘樓 上正常水平，外界 仍然無定案。 可能性之一，港美 市場利率觸發更大 套息誘因，從而令 到資金大量外流， 以目前十年期港、 美債為例，香港已 較美國低七十點子 ，錢走未必無原因 。 可能性二，樓市 提早爆。可能性三 ，市民見港紙無前 途，人仔加快升值 ，更多存款轉投人 戶。 聯儲局只減一百億， 兼就耶倫模式照單 全收，即失業率即 使落，通脹不升 永世不加息。市場 形容，今次骨子裡 屬於白鴿式退市。 某程度上反映，聯 儲局在極不願意情 況下，才作出妥協。 聯儲局之所以不 願退，仍需退， 大致基於：一， 數據無借口，若 堅持不退，公信 力盪然無存，難 道要承受亡局風 險? 二，退市製 造資金流逆轉， 美元轉強，你中 國改革好，人民 幣要國際化，大 地仍在我腳下。 聯儲局轉調要通脹 ，令人失望在於， 局內既然粒粒皆星 ，經濟高手如雲， 與其望天打掛等通 脹，為政策持續處 處搵借口，倒不如 更核心探究，美、 歐為首發達國，可 以長達超過半個十 年，資產升溫，通 脹不升!!! 即係做番真正 經濟學家要做既野 !

今年，亞洲最少產 生出兩個經濟學: 包括安倍經濟學、 克強經濟學。 兩個 跟早年伯南克經濟 學，形成三強鼎立 ，一度大放異彩。 外界對當今三大經 濟學派，暫時評價 不俗。無它，股市 好，市場情緒高漲 ，好自然會話:  阿爺果然高招 。安倍有前瞻 能力。仲有伯南克 力挽狂瀾。 但調轉 問，如果並非 無事無幹，根本用 不著搞這套、做那 套。結果堆砌出不 同門派經濟學。 用政治人物為名經 濟學，近三十年， 盛極一事有列根經 濟學、戴卓爾經濟 學，認同與否一回 事，至少尤其後者 ，最終目標是將經 濟交回市場定奪， 而非目前將經濟從 市場，回歸政府左 右。 於是，正當「 咩咩」經濟學充斥 不絕於耳，市場經 濟學五個字談論就 少之又少。 其實，「咩咩經濟 學」之所以有回響 ，有聲音，根本在 於經濟唔掂!! 而更 重要，無論伯南克 、或安倍經濟學， 甚至以往內地一套 ，大部份程度等於 用錢解決問題。 以日本為例，經濟 未至完旦，但內傷 嚴重，安倍銀紙彈 成功在於日圓由八 十五，跌至一零六 ，股市幾乎翻一翻 ，但安倍目前民望 ，卻上任以來最低。 美國情況相近， 股市翻了幾翻，惟 經濟自零九年以來 ，平均增長僅僅百 分之 一點五 左右， 遠低於海嘯前百分 之四水平。 似乎， 俾錢解決問題，但 目前問題，肯定錢 不能解決。 外國評論提過， 政治人物為選票可 能母性大發，除既 要低失業、控制通 脹外，近期又提到 三大目標，即收 窄貧富懸殊不平等 。 如果將所有綱領 ，要由聯儲局一一 接收，嘩! 好睇過 戲! 如果市場等於絕對 自由的話，世界上 根本沒有一個真正 自由市場。 市場存 在，在於有規有舉 之下，發揮創造性 ，及分配角色。由 越來越多「咩咩經 濟學」氾濫一日開 始，真真正正市場 經濟學，可能越行 越遠!!

上海大攪央企改革， 上海國資委會議， 更加被形容為央企盛事， 武林大會。 好簡單， 上海作為龍頭， 而央企改革、 早喺年內多次會議， 上海都有參與其中， 備受關注都唔出奇。 央企改革要成功， 一定要響， 內地定義「響」， 即係要勁。 上海唔止錢多，企業多， 亦有概念，同先行者優勢， 韓正仕途繫於其中。 韓正強調， 內地央企改革， 並非照抄淡馬鍚模式， 某程度上: 啱! 因為， 當局對上海模式嘅央企改革、 相當進取， 影響要比淡馬鍚、 有過之而無不及。 有留意的話， 內地選定三大央企改革城市， 上海、天津、珠海， 後兩者僅僅提升競爭力， 而上海真真正正相標， 有所謂二、五藍圖， 包括要做二至三家符合國際水平企業， 五至八家可能全球布局，跨國經營。 肯定， 韓正相當了解當前央企嘅問題， 特別在於央企、 既欠動力， 亦欠創造力。 但三至五年就達標、 要上海央企煥然一新， 某程度上， 亦係過份進取! 內地央企大多並非新經濟行業， 有條件可以平地一聲雷， 以實業為主央企， 等於一間大型土炮廠商一樣， 錢多之餘，更需要是一股軟實力。 簡單講， 要做一間唔係靠錢多， 都獲得市場認受企業。 內地掌握到央企當前問題， 但解決與否， 屬於兩回事。 央企、就係央企， 無論點樣改革， 阿爺持有， 「做又三十六，唔做又三十六」、 呢種心態唔改， 就好難會成功，  而家繼續由國資委、 掌管央企改革， 即係身份同時係球證、 教練同球員， 繼續自己玩晒。 企業要做得好， 盈利，照顧股東之餘， 更重要可能先具備一顆企業的心， 為品牌，為用家，而非為搵新錢， 有呢三樣， 其實無論民企、央企，私企， 都已經踏出優良企業先決條件。