2008年10月21日星期二

「毒匯」

有行家說雷曼迷債是「毒債」,其實講毒,又有咩產品毒得過I Kill U Later?

今次不同的是,中招的是一間市值三百多億的上市公司。

有理由相信,今次出事那位FD,並非是要貪錢/貪污,要不然合約只賺得最多七百萬美元,要貪也不至那麼小數。

當然,不可以抹殺是有高層希望搏表現,於是以對沖為名,實際就是希望賭大細,認為自己贏面是十比九。

可惜,現實往往是贏面十比一也沒有。

以澳元為例,平均購入價是87美仙,不過過去個多月,已經出現暴挫式下跌,一度跌穿過65美仙。

短短兩個月,帳面跌左兩成半。

如果單單是槓桿合約還好,錢蝕極也只是少數,但中信泰富買的卻是外匯式I Kill U Later,Upside有限(通常5%內),Downside卻是無限的「有毒」產品,而且仲要去到2010年7月。即使而家公司發現有問題,要中止合約也要賠足二十多個月錢先可以找數,結果帳面數要蝕147億。

成間公司一半市值!

以對沖為名,居然去買kill 仔,真的不能相信是一個CFO所為。(真的似賭仔過大海多一些!)

如今事件可以點收科? 相信公司總不能上街說自己什麼也不懂,是被銀行騙錢。唯一可行是同銀行講數,睇睇有無機會五折收數。

唔知邊間銀行咁堅? 總之不會是雷曼吧?

3 則留言:

港燦 說...

唔止 267 一間,好多上市公司都做左類似的複雜期權,賭外匯 (人仔升) 及賭 LIBOR 升的多。

而家係咪非銀行客戶只可以用呢 d 既複雜,輸面又高的 structured options 去對沖風險,教科書提過的簡單方法只限銀行專用 ?

小心最近銀行因 minibonds 事件令 credit linked notes 無人問津,但外幣掛勾存款班櫃員姐姐仍努力賣緊。呢 d 掛勾存款部分賭法比 267 的更複雜。

MoneyCafe 說...

而家中信泰富最大鑊係要賠足到2010年七月,如果澳元再跌,假設是五十美仙,
有證券行計過中信泰富虧損會進一步擴大至二
百六十億,仲多過成間公司市值。

當然成件事件最嚇人係公司內部監控出現左重大漏洞,點解兩個有幾十年經驗的人會買這種有毒產品?

匿名 說...

我想問如果佢地沽番相關期權有冇幫助?