血鑽


去年一套「血鑽」BLOOD DIAMOND,不但令 Dicaprio 再次活躍起來,亦令世界、特別是女士對手上「閃閃生輝」至愛,有更深一層體會。
血鑽係以九十年代非洲塞拉利昂(SIERRA LEONE)做背景,呢個西非國家係有名鑽石出口國。亦因此引嚟年年內戰,大家見到片中亂槍掃射、斬手斬腳的場面,就是描述當時狀況。

現實之中的塞拉利昂,出現長達十一年判亂,到零二年九月先徹底平息。當地非洲人就長期流行一句說話,「If You want long life,never touch the diamond!」,血鑽就是由此以來!

當然,講到鑽石,一定會講到大家熟悉嘅「DE BEERS」,「鑽石恆久遠,一顆永留存」就是她的傑作。 「DE BEERS」幾乎一手操控鑽石嘅供應,根據倫敦鑽石交易公司估計,全球五間最大嘅鑽礦公司,佔咗全球九成嘅產量。而當中就以DE BEERS最大,佔四成半。
唔單止咁,其餘果四間公司都同意所有鑽石都由DE BEERS統籌經銷。目前全球每年對鑽石首飾嘅需求達到六百二十億美元,只要DE BEERS減少開採鑽石,供應好容易變得緊張,成為加價嘅藉口。

其實鑽石一啲都唔罕有,不過根據孫柏文講法,佢地最大「壟斷」能力,唔係來自開採,而係在於壟斷「切割」技術!

俄羅斯就曾經試過用自已技工進行雕琢,結果係價值仲低過喺Raw material狀態,因此「DE BEERS」實際係壟斷的是技術能力,亦難怪「DE BEERS」價格可以連續加咗三年,舊年更曾經急升過三成。

不過未來局面可能有好大變數,一來人造鑽石質素日高,而更決定因素係、受到歐美國家施壓,
向DE BEERS 實施反壟斷條例,迫使佢地向俄羅斯買入鑽石,以及將部分業務出售,換言之,鑽石可能會跌價!
不過最大打擊其實唔係嚟自外國,反而係佢地最大採購國、非洲!而家對DE BEERS最大威脅嘅、係以色列一名富豪「LEV LEVIEV」,呢位喺福布斯富豪榜排名278位嘅神秘富豪,一直有傳言佢係可以直接向南非政府買入鑽礦、然後以低成本生產,作用就係制衡DE BEERS!

有外國評論就冷嘲熱諷,話DE BEERS而家係PAYBACK TIME,廣東話粗俗可以叫「出得嚟行、預左要還」。
如果根據這個結論,相信仲應唔應該買鑽石這個問題,大家都應該心中有數.......
當然如果你是孫柏文口中的「有心人」,又當別論,祝你好運......

留言

匿名說…
首歌好好聽,請問歌名/ cd名是甚麼? thankyou
匿名說…
首歌好似叫"Beyond The Sea".
匿名說…
唔係法冷西歌咩
la mer la mer........
Moneycafe說…
是Bistro Blue
歌手是Cynita M.
第一首歌就係「La Mer」
希望大家鐘意
匿名說…
Oh! 明白了。Thanks MONEYCAFE!

BTW, 節目得半小時好像短了些, 嘉賓們的談話warm up後便快完結, 不夠喉。可否多些?

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將