2007年5月15日星期二

新界「豪宅」


樓市近日有復蘇,唔夠膽下注賭一定升,不過樓市係有升溫跡象,身邊就有唔少朋友、喺經歷幾年負資產陰影後,都放心開始搵盤,因此樓市即使唔大升、少升都係可以預期。

施生早前「加碼」唱好樓市,認為今年升幅會更顯注,這點我們都同意,不過更有趣係施生提出咩叫「豪宅」,呢點仲值令人深思。

施生的解說是,傳統豪宅都係講「location、location、location」,唔上半山、唔係傳統豪宅區,根本稱不上豪宅。

因此,以前的新界低密度洋房、好似錦繡花園、加洲花園,幾大都好,我地甚少稱為「豪宅」。

不過唔知由幾時開始,發展商開始發現,原來將新盤重新包裝,加個甚麼「名」、「葡萄」、或者「凱璇」,就可以賣到幾萬蚊一呎,仲要係全個市場都受落,因此先出現所謂「新晉豪宅」。

物以罕為費

施老闆提出,豪宅另一個條件係要物以罕為貴,LIMITED SUPPLY,其實係人都識,咁點解西九處處空地、元朗度度「牛屎」,都可以話係豪宅,真真費解!

既然市場有供有求,其實都無咩好投訴,不過你發現地價可能係一千幾百蚊一方呎,發展商居然花啲心思,就可以將元朗新界盤變成「豪宅」、賣到近一萬一方呎,咁都有市場?! 只是有點替半山放盤的業主不值。

沒有留言: