2007年5月21日星期一

新官上任




剛上任兩個月積金局新主席范鴻齡,已急不及待為積金局引入競爭。

范鴻齡話,而家強積金總供款額達2,000億元,而市民的供款,每年行政費用以平均2%計算,若供款40年,行政費用將累積佔總供款額4成,故積金局會研究修改法例,引入更多競爭,令管理費用下調。

從身邊人不難發現,大家都對自已呢筆MPF身家莫不關心,點解有咁嘅現象,可以由強積金機制去解釋。

MPF運作是由僱主在全港19間負責管理強積金的受託人公司中,揀出一間後、僱員就要同僱主一樣進行供款,根本無得進行選擇(貨品競爭),而且收費基本上係一致,大約是管理費約2%-3%(價格競爭),無論係揀進取型 (理論上基金經理要多做投資決定)、定揀保守型都一樣 (跟指數基金、基金經理只是跟指數,無咩技考可言)。

既然收費亦都差無幾,呢筆百分之五收入資產就只好列入儲備,唔理好過理,寧願將時間處理淨下九成半、有得揀點投資嘅資產好過! 亦解釋點解咁多市民唔係好關心呢筆資產。

引入競爭

到底19間受託人公司係咪真係無競爭?全港得五間流動電話公司,數目比受託人公司少七成二,但講減價、免費出電話、總之優惠就係多到你唔信,關鍵是什麼?就係流動電話號碼可携性!


而家19間受託人公司,大部分係大銀行或大保險公司(匯豐恆生就佔三成),無論大中小企總有生意來往,老闆橫豎都係比差唔多供款同管理費、咪用番同自己有生意來往個間,或者可以第二處慳番都講唔埋! 慘的是打工仔,當老闆揀左之後,就真係無選擇。因此要引入競爭,關鍵不一定是要再多受託人公司,而係比「真正用家」--僱員多一個選擇。

雖然大機構會話要同時做咁多唔同供款,會有巨大行政費,不過正如每間公司都有幾千、幾萬個客仔一樣,少少成本跟本是託辭。如果真係可以由員工自由決定,市場競爭下收費水平先真正有下跌空間。
范先生,誠心希望你可以做出「好戲」......

1 則留言:

陳吉 說...

呢單野真係好離譜, 其實shk的樓一直好多捧場客, 唔明佢點解要咁做, 賣樓時咁做係會做衰自己個名. 難道真是要賺盡 ? 上帝當年從大賊手上救你出來, 是要你反省做好人嘛