建家


去年我們要做一個新盤開售的新聞,之前已經盛傳發展商喺無價單下、偷步賣樓,怎知去到售樓處現場,無人可以向我們證實到底是否賣樓,記者亦不能進入售樓處現場。

經過商議後,為了知道事實真相,我們決定派出一隊「偷拍隊」,原本諗住進入售樓處後,拍攝現場情況就散隊。

點知,原來要到售樓處同睇價單,代理居然話發展商要求、要先比五萬元先可以睇價單。

雖然極度不合理,不過為了達到「走在事實最前線」目標,唯有簽卡落訂五萬,仲要比埋身分證。

到事後完成採訪,想收回身分證亦有極大困難,幾乎要報警先可以解決。

雖然事後發展商否認我們拍到的「事實」,將責任卸到代理身上,不過之後的發展,包括政府同地產建設商會的角力,到最後達成售樓指引,這一切已經是後話......

講左咁多,其實都係回應施老闆提出,發展商賣樓手法已經過晒火位,作為準買家去到售樓處,原本都係想先輕鬆睇下樓,怎知又要面對大批地產代理「困撓」 (困住嚟騷擾),想早一日攞分價單,自己計下數都十分困難,結果其實係迫買家WALK AWAY!

曾經同一位發展商飯局,他們向我們提出,其實買家唔係真係好關心有無價單,因為佢地都預留左一個預算,即使現場先收到價單都無問題!

我們很難明白發展高點解會有咁嘅心態,畢竟作為用家,買貴十幾萬或買高一兩層,都係影響自已財務同居住環境。

其實不難揭穿發展商心態,咁多招數,最終都係賺盡買家一分一毫。

「以心建家」,請問個「心」係喺邊個度?

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將