iTunes 的尾巴

唔少朋友問，單講 iTunes，都可以講一集Money Cafe?
作為Long Tail Theory的表表者，iTunes實在是充分發揮互聯網功能的「偉大發明」。
容許花一點時間解釋「長尾」。
傳統營銷理論「80/20」，係解釋在有限擺貨空間之中，只有最受歡迎的20%貨品，係最受顧客歡迎，它們往往佔了店鋪80%利潤。
不過新世紀商品、完全顛覆左呢個傳統理論，Chris Anderson在書中就係以 iTunes 作為例子，指在互聯網世界之中，根本並無擺貨限制，而呢條80%的「長尾」，完全可以喺照顧小眾興趣之餘，亦係一盤大生意。

哈佛的iTunes

講完題外話，蘋果個 iTunes，由推出到而家，已經係被下載超過十億首歌，證明合法下載一定有得做，問題係、你做唔做得到啫!
iTunes 亦成功吸引到、上個月「HARVARD BUSINESS SCHOOL」做CASE STUDIES，佢地問嘅問題其實都好簡單，既然網上P2P有咁多免費下載，點解仲有人要比９９仙美金，去買一首歌？
根據哈佛個案，iTunes 同 P2P，兩者並非競爭，而是相輔相承。原因係全球化、DEREGULATION同科技變遷，創造出全新、原創嘅商業規式。簡單講，就係由紅海跳入藍海市場。

iTunes同 P2P實際上係相鋪相承， iTunes成功減少左 P2P帶來網上擠塞，容許DOWNLOAD 可以更快進行。
相反，網上更快捷流傳，更有利網民喺 iTunes 合法下載，之後再互相交換。
iTunes優勢除左唔使驚比人告外，MEGADATA亦係優勝之處，即係包括音樂檔案嘅INDEXING，例如歌名歌手分類，方便搜尋。
當然音質方面，統一嘅INTERFACE、簡單易用嘅系統，唔使好似P2P 咁、花費大量時間做搜尋，轉換格式.....而DOWNLOAD 可以係一分鐘、一個鐘、甚至係一個月！其實講到底、時間都係金錢一部分。

講左咁耐，成日聽到唱片界話P2P/ BT 扼殺創意，其實外國已經興起平價、甚至免費網上 DOWNLOAD，歌手反而透過網上廣泛流傳而增加人氣，反而在周邊產品賺到更多利潤。
唯一擔心，可能係一眾無咩賣點嘅唱片公司，因為面對 iTunes呢個唱片界巨無霸，真係難以為生.......