泡沬三部曲

張士佳SKY上星期提出左泡沬三步曲，估唔到今個星期即中:

首部曲: 「眾人皆醒我先醉」

全世界未發現股市泡沬前，個個專家、大孖沙都出來，語重心長話股市而家係泡沬、無實質因素支持，係唔正常，個個提醒股市有風險。你已經要先知先覺，大手買入製造泡沬，通常呢個階段都可以賺盡贏最多錢!(記唔記得早前又四叔、又誠哥、呀，差些唔記得仲有格老)

次部曲: 「眾人皆飲我陪醉」

唔使點解啦，個個都識、總之跟風。(好像有啲似而家、唔買細價股就笨的現象)

三部曲: 「眾人皆醉我獨醒」

呢個時候要小心辦認，當全世界開始認為泡沬開始變成實質，即係有具體數據支持，認為秀麗前景並唔係好遙遠，仲想出種種方法去Justify 估值方法，SKY就提醒呢個時候就要走，因為憧憬一旦破滅，人人識計數的時候，就是要由虛幻走向現實，個時真係要走人。(當然，往往事後孔明的人多，不過血流成河的人仲多!)

呢三步部曲，放諸二千年科網泡沬、以及濠睹股身上似乎皆準，而且仲係全球通行。以近日市況，似乎仍未見張士佳在 money café中提出、第三部曲的情況，到底是禍是福，自己好之為知!