吹漲 (題外話)

黑石上市,自己兩個合夥人夾埋「骨水」26億美元,而集資只不過係40幾億美元,難怪一直令人眼紅,不過最令人吹漲係、黑石居然向幫佢搞上市的一批扑架「壓價」:

作為今次美國本土五年來最大宗IPO,大摩阿頭John Mack本來諗住今次終於可以威番次,點知有一日黑石阿Schwarzman打電話嚟、問長問短後終於入正題:

「黑石上市後,生意會愈做愈大,第日我地應該大把世界….」
「真係要多多關照,有好嘢記得搵我地先!」
「既然長做長有,不如今次收順些,我擔保第日你一定賺番!」
「吓……即係點?」
「收一半啦!」
「……」

就係咁,一眾上市包銷商只係收到一半commission fee,即係百分之三左右,仲唔吹漲!

其實想來想去,作為一隻行事理應隱蔽、作風應該低調的私募基金,黑石上市除左比到創辦人「骨水」外,反而成為箭靶,日日比人針對,實在無咩好處。而家看來,壓價可能係少數好處之一。

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」