爆煲

講了半年「次按」，是時候講下什麼是「次按」。

有傳媒簡單將次按=CDO=MBS=ABS，實情是大錯特錯：資產/ 按揭抵押證券(ABS/ MBS)只是最簡單將銀行收回來的資產重新包裝成債券，然後再售予投資者。大家記得的「五隧一橋」、按揭證券公司發行的按揭債券都是類似資產，簡而言之，風險低，回報穩、難望大升。

投資銀行當然不滿足一些回報咁低項目，於是衍生出多重架構的CDO抵押債券工具。CDO往往分為多個級別，中間有證券掛勾、債券、按揭資產等組成部分。為左滿足高息一族，部分資產當然是來自風險最高的證券，計埋回報，分分鐘可以有二、三十巴仙回報。

呢批CDO亦非全數屬次按級別，只有當中低於AAA級別，即是最大機會違約的，先屬於次按(SUBPRIME)。

但大家要留意，所謂AAA級別的CDO，並非「永恆」，當評級最差的B級或A級債券出現違約、被一筆勾消後，你自以為無風險的AAA債券，就會自動跌落至A或B級。

看見很多中資銀行好自豪話自己持有的次按評級是AAA、心中就暗覺好笑，「昆」你買CDO的投行看來事前無向你解釋清楚!

到底次按問題有幾深？馮孝忠提到，經歷幾個星期拋售潮後，呢批次級CDO由於無人問津，不少已經跌至相當「殘」水平。不過當市場最恐慌時候，反而令有實力買家可以執平貨。就連之前睇淡債市嘅債券大王BILL GROSS，都開始轉軚增持高息債券，因此由中國買起BEAR STEARNS之流，都未必無道理。

########################################
伯南克唔肯出手。
FT標題係FAIL，紐約時報簡單些：減息無望。

顯然，今次會後聲明，係反映咗FOMC入面鷹派委員嘅主流意見，即係一切以控制通脹行先。

看看鷹派代表人物，除左Bernanke本人外，副主席Geithner、普爾、莫斯科同科恩都係武林鷹派正宗。能代表鴿派，只有廖廖兩人：耶倫Yellen同 Hoeing。

可能前任格老實在出色，多次具前瞻性出手救市 (先唔好計成效)，原本至少希望伯南克可以修改貨幣政策中性取向。有大行形容，伯南克依家就好似睇著小朋友一齊「玩」，就算佢地「打交」都唔會理，要到受傷先出手。

不過FT社論就撐伯南克，形容佢作為機師，飛機遇到氣流，最多都係透過廣播器安撫乘客，無需要緊急降落。

「Helicopter Ben」，就睇你點出手!