資金自由行


上周五港股出現大奇跡,由最低位反彈過千點,最多人問的是政府有無入市。相信特區政府就應該無,不過中央政府嘛,唔……聽聞跌過一千二百點後,掃貨最多唔係被打殘對沖基金、當然亦唔會係散戶、而係中資托錢不問價掃貨。

事情到左星期一中午,一切變得豁然開朗,當日外管局公布,允許天津濱海區中行開設的投資帳戶,可以經過中銀國際,直接投資港股。看來,內地的「聰明錢」,輕輕鬆鬆就技術性擊倒一批對沖基金大鱷。

香港散戶認為今次「資金自由行」是中央送大禮,個個喜不自勝,我們反倒認為可以從另一層次來看。

中央為什麼要在「十七大」前作出如斯重要的一步開放資本帳?瑞信的陶冬形容是Landmark step,我們認為一點也不為過。資本帳自由兌換打開了一個缺口,以資金的流動性來看,一個缺口已經足以推翻一坐長城。事實上,即使再進取的分析員,都無一個會估到中央會突然採取咁勇敢、果斷的行動,在二零零七年的今天,就開放資本帳邁出了歷史一步。

當然,「排洪」毫無疑問是今次措施背後最大的動機,而星期二的溫和加息行為,亦說明了解決通脹及人民幣升值壓力的迫切性。不過更大的理由揀在今天局部開放資本帳,恐怕是中央對內地股市仍然滿有信心,即使H股比A股低近七成半,但它們堅信散戶最終大部分的投資、都仍然會留在內地。即使有十分一真的投到香港,計落是有八千億港元,不是說少,不過相對內地萬三億美元外匯儲備,中央應該是計過數了!

還有,不要忘記所有「資金自由行」帳戶都要留在內地,中行幾時處理,幾時審批,幾時真的可以投資,中間不知要經過多少人處理。你說,中間要做手腳、加快減慢簡直就輕而易舉。

我們在一旁沾沾自喜之際,不要忘記原來已經參與了歷史。

留言

Unknown說…
究竟呢個世界係咪有錢就玩晒??如果真係咁多錢,會唔會真係經濟唔好下,都可以玩得起個市?
Moneycafe說…
Liquidity 是氧分,但好難說得上是主幹。

就算好似大摩講,有八千億會流入來,好似青姐講頂多個幾星期、咩都買晒啦!

因此,大趨勢就是到底經濟動力到底仲係咪存在?

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將