信貸終結時......(+後記版)
孫柏文發出了信貸終結時宣言......
好似講到真係末日咁，到底有幾近？
我們認為前提是，商業票據(不是CDO，是Money Market好鐘意揸的Commercial Paper)係咪真係繼續變成「iliquid」、更甚是「insolvent」!
已倒閉按揭機構: American Home Mortgage Investment/ HOMEBANC/ AEGIS
出事對沖基金: BEAR STEARNS/ BNP/ 高盛 (自我注資拯救)
看彭博另一個預言：今年投行四成花紅分分鐘「見財化水」。無花紅事少，無分工先大件事:三分一對沖基金/ 按揭機構的銀行家就面臨被炒。
最重要係人心虛怯，個個手持的COMMERCIAL PAPER，都無人問價，根本無人知自己仲值幾多錢，甚至唔知虧損左幾多。
COMMERCIAL PAPER總額達到一萬一千億美元，其中未來90日到期的，就佔左超過一半，即係有五千五百億美元商業票據分分鐘唔能夠續期。呢三個月，真係關鍵中的關鍵!
種種跡象顯示，美國金融機構收緊按揭貸款後，連帶其他貸款條件亦收緊埋，當中以消費貸款最受影響，摩根大通承認，已經收緊部分審批。
美國銀行就調高信用卡收費，同利率;花旗就收緊汽車貸款!
現在市場信心非常脆弱，任何壞消息都會無限放大，因此每日一到歐洲市，所有人就看實仲有無「衰嘢」發生。
我們都希望孫柏文睇錯，因為無人想再過番金融風暴的苦日子，911後都要成三年先番生，跌市唔緊要，最怕係牛皮，悶得令人發呆。
###############################################
後記:
金融市場似乎正積極面對孫柏文提出的信貸終結時「宣言」。
月初因為關閉旗下三個對沖基金，而觸發信貸危機嘅法國巴黎銀行，計劃月底重開三個基金。
似乎法巴明白，要挽回自己百年聲譽，只有正面面對問題，停止贖回肯定是最壞情況。
最早自我引爆的滙控，亦關閉了在印第安納州按揭業務，裁員減六百人
。
雷曼亦似乎明白「壯士斷臂」的道理，關閉旗下BNC MORTGAGE位於八個州、總共23個分公司即時關閉。
金融市場亦對投行採取行動反應正面，雷曼收市升1.7%
是力挽狂瀾，還是有心無力？
留言