2007年8月14日星期二

Tipping Point

知唔知邊間投行的BANKER衣著最入時?

無錯,係法巴同高盛。

Esquire 形容,BNP 的BANKER,a mix of "Continental flair" 以及有英式 "Savile Row"的風度。
至於高盛,就是"Rich, serious, low-key culture",即係低調之中見穩重。

Esquire分別要求拍下兩間銀行的員工照,BNP大方應承,派出三名有為BANKER 拍照;高盛則一口拒絕。

結果,BNP成為整件信貸危機的觸發點,而高盛就以注資旗下基金、暫時為事件作了一個小結。

FT說衣服著出BANKER個性,看來此言非虛。

其實,任何事情都有一個觸發點,今次信貸危機的觸發點為什麼不是「AMERICA HOME MORTGAGE」申請破產保護?不是BEAR STEARNS 爆完一隻又一隻?而是遠在太平洋對面的法國巴黎?

事件倒數番上星期四(九號),法巴旗下三隻基金,受次按問題影響,總值跌左兩成,要暫停贖回。

同樣係爆煲,貝爾斯登都有三隻基金先後關閉,市場反應都無咁大。不過對法巴來說,最大鑊係月初佢地先向投資者保證,自己策略一向審慎,次按相關投資只係佔好少數,亦無參與過多槓桿收購。

但唔夠一個月,承諾已經唔能夠兌現。

金融市場一向都唔怕風險,如果唔係邊有高回報,不過最怕就係「玩突然」,意料不及或不明朗的因素就最令人不放心。由於BNP事前拍心口話自已無事,結果一話停止贖回,即時就爆發「估領袖」遊戲,人心虛怯下,歐洲利率突然被扯高,事件亦掀起歐洲央行同聯儲局聯手,進行逾二萬億元的注資救市行動,之後發展大家都好清楚。

至高盛肯出手,當然係由於佢地屬於現任財長「保爾森」馬房,因此亦「勇」於承擔責任。

事件另外兩個輸家,是聯儲局主席伯南克同歐洲央行總裁特里謝,今個月初先至表明,而家全球金融市場最大嘅風險係通脹、而不是金融不穩定,勢估唔到事隔幾日,全個世界,同佢地最初評估,已經係完全相反,事件亦因此削弱左央行權威性。

說到觸發點,其實八七年股災、到而家都沒有一個具體說法,有些解釋同今次信貸危機一樣,又是賴電腦程式出事,看來當大家都找不到一個元兇時,電腦就是最好用來「孭黑鑊」對象,至少,它不懂反駁!

1 則留言:

匿名 說...

點解今日果集cafe o係孫柏文第一節,播廣告前講開果個故事第二節都無講番既???