淘寶

今個星期，ebay終於面對現實，趁住公佈季度業績，為一個項目撇賬14億美元。

呢個項目就係兩年來、都無人睇好skype，而一直撐住成個收購ebay行政總裁Meg Whitman，亦都成為我地一周風雲人物。

Meg Whitman98年起擔任CEO以，一直都係全球女士偶像，

eBay可以話係少數「挨得過」二千年科網爆破的公司，佢個人財產有十三億美元。FORBES同TIME亦選佢做全世界最有權力女性之一。

不過今次SKYPE「滑鐵路」，都可以話失晒威。要講番成件事，我地先就要倒數番兩年前，當時IT界出現左兩宗重要交易，都係震撼矽谷。

七月分梅鐸以五億八千萬美元，買左MySpace，之後兩個月，就到ebay出手，用天價三十一億美元，買左skype。

兩年下來，看股價都知道邊個係贏家。MYSPACE乘住SOCIAL NETWORKING興起，新聞集團股價明顯受惠。如果對手FACEBOOK真係以傳聞一百億美元估值上市，梅鐸回報就認真和味!

相反，市場當年認定eBay係接火棒，就連Meg Whitman自己當年都講唔出收購後有咩大計，結果股價都一直落後。

其實SKYPE唔係無錢賺，佢地年度收入都有8000萬美元，登記用戶更由一年前唔夠一億戶，倍增至最新二億二千萬戶。

不過SKYPE最大問題係，一直都搵唔到合適收費規式，同現有ebay業務亦產生唔到協同效應。

一年前Meg Whitman在史丹福大學講過四個收購skype的理由，全是好三十年職場打併總結回來的經驗:
1. 注重細節，收購skype只要有適當執行計劃，sky would be the limit;
2. 從收購Paypal的經驗總結，買互聯網公司要「快刀斬亂麻」;
3. 錯誤可以糾正，因此第2點比任何一切重要。

就是基於這些原因，Meg Whitman當年就在自已都唔清楚skype同ebay有咩協同效應下，就以天價買下skype，結果做成今天的災難。

雖然一手釀成今天局面，但外界如傳媒對Meg Whitman並無太大責難，就如經濟學人所講，可能是拜Meg Whitman一向平易近人的性格所賜，大家都很愛惜這個不愛奢華，即使被選為衣著品味最差的女行政人員，亦樂於接受，這種down to the earth的性格，在CEO中的確少見。

但作為股東，對Meg Whitman的要求相信要更嚴峻一點，特別是ebay六月的貨品銷售首次下跌百分之六，而他們和矽谷的鄰居yahoo一樣，面對google的挑戰：用家開始透過google ad，將貨品在自己網站/ blog出售，這亦是google股價迫近六百美元的原因。。

Meg Whitman在演講中仲有第四個重點，就是:“the right person in the right job at the right time”，經濟學人話，可能ebay的董事會，都是時間再細想這句說話。

題外話

阿里巴巴即將在十一月掛牌，目前他們都有三寶: B2B網站阿里巴巴、網上拍賣網站淘寶網、以及中國式Paypal支付寶，目前為止，馬雲都未有犯上Meg Whitman的錯誤，三者的協同效應仍然很強，其中支付寶最近更衝出海外，開拓香港市場。到底「A貨Ebay」能否追上前者？以中國市場潛力來看，不一定沒有機會。