佛羅里達

連學校退休基金、地方政府都放心擺錢落去的基金，理論上應是最安全的資產。

不過佛羅里達州政府委員會、管理的一個基金，由於過去兩個星期、被贖回超過一百億美元，決定暫停比投資者贖回。

點解投資者咁緊張？原因係呢個規模達到一千八百六十億美元基金，原來相當「狼死」，其中有二十三億美元、就係投放同次按相關資產，仲要係唔高風險都唔買，看看名單: 有兩間「SIV」、私募基金ＫＫＲ發行資產抵押票據，仲有係大跌價的COUNTRYWIDE證券。

由於這些資產價格部分已經大跌四成，唔少仲被調低信貸評級，令呢批投資不再符合退休基金投資準則，結果觸發大規模贖回。

金融時報話，事件反映次按已影響到實質經濟體系，而事件亦可能會影響部分學校同州政府，不能夠發放薪酬同履行合約責任，有學校更要安排銀行短期緊急貸款，應付資金需求。

面對次按由銀行體系蔓延至實質經濟，今個星期無論聯儲局及白宮似乎都改變了對策，英國金融時報就以「聯儲局消除減息障礙」為題，報道伯南克講話，因為伯南克與副主席科恩，一齊出手。上集先由科恩主講，伯南克再講埋續集，令市場相信聯儲局勢必減息。

而面對事態嚴重，財長保爾森亦迫令花旗，富國、以及countrywide一齊出手，希望儘快提出一個方案，協助次按貸款人重組貸款，方案包括凍結次按貸款利率。

到底事件係咪真係去到隧道盡頭，還是另一個黑洞的開端？經濟學人似乎就未算太樂觀，今期就是以美元失控、美國經濟將陷入衰退作為封面故事，看來佛羅里達的故事，可能只是冰山一角。