2007年12月2日星期日

搭完沉船再炒車,火車會唔會出軌....


十一月分的跌市,與八月分時比較,的確跌得更全面,而且調整幅度也有兩成以上。更重要的是,由舊年開始的新股神話,一下子就被打破。

散戶過去年幾都是滿懷希望抽新股,擔心的只有自已抽唔到,從來不會想到新股首日就會跌穿招股價。今年以來,新股首日平均升幅都有三成。

但有富豪效應,中外運航運上市以來,累積跌近兩成,亦有多名基礎投資者入股,重汽亦潛水。

兩隻加埋,以公開招股分配股數計,全港散股帳面蝕過12億幾。可以歸咎係市況差,但有無諗過,新股係咪真係「平」?

睇下,中外運航運上限定價,預測市盈率14倍,貴過一樣做乾散貨嘅太平洋航運。

同樣係重型汽車,重汽市盈率,亦高過宿敵濰柴。以重汽上市價計,相當於出年預測市盈率近19倍,比同濰柴唔夠14倍貴。

一度被指年底新股鐵3角,中海運航運,重汽,同中鐵,頭兩回合同樣敗北,凍結資金超過3千7百億的中鐵,H股市盈率貴過A股。

最好比較當然是同中交建比,大和話,中鐵淨利潤率得百分之2,比中交建百分之4.5低,計埋市盈率,中鐵是,比全球同行30倍低,不過同中交建比49倍又平一些,因此計埋利潤率,有分析員同我地講,中鐵應該比中交建有一成折讓,即係合理價大約係6.75元,似乎仲有水位。

我反而想提,當阿里巴巴上市之際,人人話一百倍市盈率貴,點知上市即日仲要升至近二百倍,不過就係獨特商業模式,加上中國式的「注資慨念」(老實說,我又不信會咁快注資,阿里媽媽本身獨立上市可能仲可信。),阿里巴巴反而重上高位。到底點先叫做「貴」,其實要有比較先可以認清真相。

沒有留言: