旺過九七
呢幾個星期，不同時間睇到不同分析，主角都是中原城市領先指數。
先有張士佳以移動平均線的技術分析，認為指數已經突破零三年以來的走勢。
而瑞銀王震宇，亦以香港、九龍、新界東的中原城市領先指數做分析，認為三者都已經突破左零三年以來指數的阻力位，只係差一個新界西，之後樓價就有力向上反彈五成，即是說，樓價可望在兩年內重上九七年歷史水平。
到底係大好友啱，定係樓市又見小陽春，暫時人言人殊，不過肯定見到的，是最近代理做到無停手，口頭禪是「旺過９７」。
聽落好誇張，睇下數字。
11月土地註冊處，錄得超過1萬7千宗物業成交，總值768億幾，創咗97年7月以來新高。
唔止代理猛落嘴頭，唱好個市，大行都加入。
花旗話，預今年內(即係一個月???)，樓價會再升百分之五至七，出年會再嚟過，仲勁，估佢升兩成至兩成半。
睇得咁好，係因為樓價首次掂番98年5月以嚟嘅歷史高位，其中反映炒家「摸貨」嘅確認人成交更加勁升四成，反映多咗投資者入市，可以推動樓價繼續升咁話。
瑞銀睇得仲好，佢哋預測，按揭利率會進一步回落到四點二五厘，仲有負利率，加上有龐大嘅內地資金流入，樓市無可能會差，佢地維持出年樓價要升四成嘅預測。
在一片唱好樓市聲之中，業主當然第一個「沖昏頭腦」，反價、封盤，有幾牛睇幾牛，這亦很難怪，大大話話都等左好幾年嘛!
當然基本因素大家都識睇，減息負利率，資產升值，加人工，供付比率高，存貨減少，供應斷層，很來有很多很多唱好理由，但係咪足夠引發購買力？
我們認為，最關鍵其實是心理預期，實際上亦是近年主導樓價的最重要因素，特別是三、四十歲的一代(第三/四代人?)，他們一踏出社會，不久就經歷了九七金融風暴的經歷，他們很怕再次踏入樓市陷阱，多年來寧願將資金投入股票市場(當然賺個不亦樂乎)，也不肯買樓，寧願租樓住，就是因為他們認為買樓將大部分資金鎖死並不化算。要怎樣改變這群人的看法，由租轉買，先是樓市係咪漸入直路的關鍵！
留言
今時今日既樓市/股市有乜似97 ?
97-98回歸 樓市不停升 (好多人都估97後跌,但仍然不停入貨)
07-08奧運 股市不停升 (好多人都估奧運後跌,但仍然不停入貨)
97-98股市升,只不過全民炒樓/期次股
07-08股市升,只不過全民炒股/期次樓..可能誇張左)
97後引爆係泰銖
08後引爆會否係美金呢(次按>美金)
(以上只係本人推測,如有錯漏,敬請見諒)
money cafe的節目安排話事人，唔該真係搵d對個topic有認識的嘉賓發表意見。不然成個節目會變成好悶同埋拎睇開的觀眾卻步！
樓巿其實同股巿一樣，都係一刻未賣未買都未知賺蝕。但心態一樣，唔等錢駛，何不善價而沽呢？但毫無疑問，97的股災產生的樓巿急滑，令很多人將asset investment的概念中的flexible考慮得最為重要！把錢投入股票巿場，要套現可以好快！但若要套現物業，則未必如心目中的價格及時間可交易。
業主反價也無可厚非，反正不賣也可以出租。何況投資物業的人，由97年的短炒已變成長線投資的居多。不過更令人捨買而租的原因，是香港欠缺一個令人明朗的發展環境，也可以說由殖民時期後期到現時階段，港府太倚賴賣地及金融發展，而忽略其他行業發展，形成其他行業的巿民，未必受惠於經濟增長。更甚是經濟增長反而令其本身的行業萎縮及帶來通脹。
給money cafe的內容意見：
1. 在考慮每集內容時，不妨以觀察群去諗。前一段日子中的「御宅族」可以吸引較年青的觀眾。近排的節目內容，給人太老的感覺。
2. 有d內容，真係聽到隻耳出耳油(辣椒油)！匯豐次按問題、航運業。一個月差不多每周都講一次，觀眾唔悶。難道主持不悶嗎？
3. 題目嘗試平民化點也可：例如：a)聖誕假期如何令巿民留港消費。b)天水圍的問題，是政府那一方面的重犯過失(當年屯門的相同因素)。c)中國論，貧富懸殊，國民的教育和公德培養。d)作為一母的青姐，對於自己bb津津，與其他在港父母一樣，望子女在港可以得甚麼，怕甚麼。其實可以好多靈活的話題。
節目叫money cafe，可以喝杯咖啡，口痕就吹件餡角、肚餓叫件三文治或喝碗湯，可以好彈性。若果內容仍然千篇一律，不如叫money set lunch。還要是一年如一日的lunch a or b or c！
需事先聲明，真的沒有刪除大家的留言，因為開這個blog完全是同事自發，希望可以在節目外收集大家意見，是讚是彈也好，我們都會耐心聽。如果真的去刪除，就等於自挖墳墓。(記憶中做過一些刪除，都是針對一些不關事的留言/ 廣告)
如果真的不小心做了刪除，先講句不好意思。
對於題目，可能因為近日新聞來來去去都是集中睇美國、次按、SIV、CDO，搞到自己都有精神分裂，變成過於集中。我們都同意，更多元化的題材，無論對我們自己及觀眾，都可以產生更大共嗚同震盪。
變成SET LUNCH當然不好，我們希望可以今日espresso、明日有flat white、後日飲house blend，先令大家日日有新意，請大家繼續多多支持，令我們可以做得更好!