父傳子


香港商界有唔少父子情仇,好似誠哥父子、彤叔父子,反而外國例子其實都唔多,因為一來唔興世襲,多數企業都係專業行政人員管理,唯一少數諗到係新聞集團梅鐸父子,包括兩兄弟Lachlan及James。

最新動向係老梅鐸提升自己嘅細仔、JAMES MURDOCH阿杰志梅鐸,由英國嘅SKY TV,過檔番去總部新聞集團,營運歐洲同亞洲嘅業務。杰志梅鐸將會主力參與STAR TV衛視集團,國際新聞集團以及意大利SKY TV,呢三個都係新聞集團內部最灸手可熱嘅明日之星。

至於老梅鐸而家在英國SKYTV的非執行主席職位,亦都由杰志梅鐸出任。咁嘅部署,好明顯係為杰志梅鐸成為接班人鋪路。

杰志梅鐸在喺SKY TV四年來,取得的成績是有目共睹,不單止取代VIRGIN MEDIA成為收費電視一哥,仲取得一百萬名客戶,而且成功整合了電信,通過BUNDLE一齊銷售。而杰志梅鐸亦展露了他敢言的作風,經常批評英國的廣播政策,以及公開批評BBC守舊。

面對下星期四瓊斯公司即將通過新聞集團的收購,梅鐸亦對道瓊斯公司「開刀」,現任道瓊斯公司總裁贊諾內,亦在星期五同一日宣布離職,正式象征呢分百年老報,由新聞集團嘅管理層接手。

贊諾內只係做左兩年嘅CEO,佢自己講,今次離職雖然係自己決定,不過都難免都感到悲衰,他在接受自己分華爾街日報訪問時,話自己一向都係做開上市公司嘅CEO、唔不習慣要轉去做一個部門主管,言下之意,似乎都是在壓力之下離職。

因此有分析家指,今次梅鐸只係為道瓊斯公司一系列人事變動嘅第一步,包括屬下嘅華爾街日報、財經雜誌BARRON'S,同埋道瓊斯通訊社,都會係下一個調整對象,以老梅鐸事事愛親為來看,這段報業風雲仍然有排玩。

因此英國金融時報分析,杰志梅鐸今次由英國BSKYB,轉戰歐洲及亞洲市場,仍然不願意回紐約總部,就是避免「與老父同桌」,以免重蹈大佬的命運,最終要避走澳洲。如果新的市場做得成功,相信真的假以時日,亦可以取代梅鐸太太「鄧文迪」,成為真正的Empire of the son。

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」