2007年12月12日星期三

好戲在後頭(+後記)


先睇下標題:
「聯儲局拒絕恐慌,但市場就非常恐慌。」(The Federal Reserve refused to panic. Markets did instead.)--FT LEX
「沽空伯南克到此為止」(So much for the Bernanke put.)--FT
「聯儲局很懷疑有無衰退」(Fed Skeptical of Recession.)--BLOOMBERG


聯儲局一如市場預期,減息四分一厘,不過就無好似市場估計咁,大幅調低貼現率半厘,而聲明亦無明確提出,係咪會持續減息。
歐美幾分大報,都以市場失望為題,報道美國減息4分一厘。

不過可能好戲在後頭,英國金融時報報道,因應市場反應,聯儲局最快星期3公布新方案解決市場短期資金緊張問題。

包括傾向採用新嘅流動資金機制,透過拍賣形式,直接向金融機構注入大量短期信貸、運作模式同歐洲央行用緊嘅相似。

聯儲局有3個主要方案,第1係再減貼現率,第2係向市場提供特別長期貸款,另外會再放寬拆借市場抵押品要求。

次按危機後,聯儲局已經先後減息一厘,但WSJ話今次減息,無論貸款人,同金融機構受惠都唔大。

因為銀行短期資金,同大多數消費貸款款都係同倫敦同業拆息掛勾。

目前3個月美元倫敦銀行同業拆息高企喺5厘樓上,但同期美國國庫券息率唔使3厘。點解決拆息高企,就係今次信貸危機係咪可以舒緩的關鍵

有分析指,如果拆息回落,次按相關嘅商業票據市場訂價機制有望回復正常,到時金融市場先會較樂觀。

到底聯儲局係掌握唔到形勢,定係蓄意表現有信心解決次接問題?三招又係咪可以救到市,好戲在後頭...

#################################
後記:

話口未完,聯儲局居然連同歐洲央行、加拿大央行、瑞士央行、英倫銀行,推出Term Auction Facility (TAF),就是由聯儲局做頭、向全世界央行提供美元資金,而且仲會係長期措施。聯儲局自己就話,透過TAF,可以直接解決資金短缺問題,成效亦會比公開市場操作好。

今鋪果然有後著,又比伯南克玩多一轉.....

4 則留言:

大傻 說...

凍結次按利息、減息、同D央行夾埋一齊泵水,幾好睇喎,唔知仲有咩招會出呢?

pakman 說...

The US govt issues US treasury Bonds and then use the money to buy all the MBS, CDO etc...

And then Gold and silver will go crazy.

Allan的投機世界 說...

向呢個時代,同第一次世界大戰後有乜分別呢?物價通脹+銀紙貶值。呢個時候只要任何一個國家,突然出現一個主戰派的人,會亂到七彩!

不過打仗(侵略)亦可以挽救經濟(搶奪其他國他資源)。發債黎救經濟,仲有無人對呢d債券有信心,亦是一個問題。

學孫柏文兄話齋,呢個時候渣「物」好過渣「錢」!

匿名 說...

睇完孫柏文分析石油獲益良多
亦睇到真正分析員,有的扮分析員 !