年度財經風雲人物


「政府的一切權力都是人民賦予的,一切屬於人民,一切為了人民,一切依靠人民,一切歸功於人民。」

「我關心股市發展,更關心股市是否可以健康發展。」


轉眼就到左零七年尾、係時候揭撓我地嘅年度財經風雲財經人物。

依各位投票最高依排名、分別是溫家寶、伯南克及李兆基,其中又以溫家寶佔三成以上,成為我們年度財經人物。

點解呢個選擇咁大路?點解會揀溫總?

相信我地觀眾、都係同亞洲周刊一樣,睇中溫總背後、內地一億三千萬戶嘅股民,佢地亦都直接令到中國股市、喺零六零七年,分別升左一倍三同一倍。

其實,唔止我地觀眾,連國際傳媒都深深體會中國堀起,好似金融時報同經濟學人、在預測零八年大趨勢時候,都不約而同提到中國,其中FT專欄,更以「IT'S RISE IS A GLOBAL GOOD」來形容中國,即是對全人類係一件好事。

單睇下股市市值就知,剩係計上海股市市值就已經超過三萬六千億美元,計堆深圳股市同香港上市嘅國企部分,市值就達到六萬億美元,比起日本股市仲要多出一萬五千億美元。

全球十大市值企業,更有一半係中資公司,無論銀行、保險、電信,都是中資天下。

因此,曾經寫過《 Can Asians Think?》嘅新加坡國立大學公共政策學院院長「馬凱碩」,在他即將出版嘅新書「NEW ASIAN HEMPISPHERE: THE SHIFT OF GLOBAL POWER TO THE EAST」中,已經提出,北京明年首次舉行奧運,將會成為近代史上另一個TURNING POINT,即是零七年是出現世界權力核心轉移的關鍵一年。

其實我地觀眾揀出總理,唔多唔少亦都同佢今年發表嘅言論有關。

溫總今年真係特別多透過外訪,向傳媒傳遞信訊,好似最近到新坡坡外訪,就分別講過內地樓市過熱、油荒、以至深圳銀行限制提款呢啲熱門問題!

但講到對港股影響大,就一定要數溫家寶外訪哈薩克斯坦,因為成架「直通車」就因為咁而要急剎車!

溫總話,港股直通車作出決策前,必須作科學嘅判斷同分析,以作出穩妥嘅決策,避免出現偏差。就係呢幾句話,就成為左港股下半年嘅轉捩點!

其實溫總都唔單係關注股市,今年佢都分別因豬肉價格急升,而去過豬場、又因食水污染,到過太湖。

用番溫總今年三月人大記者會上講話,他滿腦子裏是充滿了憂患。

現任摩根士丹利亞太區主席羅奇,就曾經形容溫家寶已經將個人名譽「押上」在今次宏調上,大有「不成功、便成仁」的意味,相信零八年,大家要好好關注國策對我們的影響。

留言

pakman說…
I voted for 溫總 on your list!! hahahahaha

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」