2007年12月22日星期六

No More Santa


經歷過八月分次按爆煲同信貸危機後,已經有人提出今年是「NO MORE SANTA」,即係話,今年唔見左個聖誕老人。

不過對於大部分美國人來說,現在才是最需要一個聖誕老人!

單睇下華爾街一班銀行大班,上半年個個原來諗住全年分紅可以更勝二千年,豈料一場次按風暴,個個均好夢成空!

當然並非間間都係咁,睇下你係邊間大行做。高盛可以話係五大行之中,最唔受影響,由於自已沽次按產品賺大錢,每名員工平均獲分三十九萬幾美金花紅。但其他好像在首批次按受害者貝爾斯登打工的、又或者是在按揭資產部門打工的、花紅就肯定凍過水。

其實無被裁走、應該都已經要向聖誕老人道謝!

今期經濟學人都有專文,提到美國人點睇08年前景,同過去幾年樂觀情縮唔同,而家有四分三的美國人,都認為美國而家係「ON THE WRONG TRACK」,即係行錯路。

對布殊政府的信任,更家比二零零一年跌左一半。

有個數字仲驚人,只有唔夠三分之一的美國人、認為自己下一代會過得比自己好,即係大部分人,都擔心前景會係愈來愈暗淡!

其實唔使遠,睇下洛杉磯東部安大略市郊就知,近幾個月,不斷有人到處搭帳幕居住,而家己經住了二百幾人,佢地原本都係附近地區的業主,但因為斷供房屋按揭、而被銀行收樓,變成「無腳小鳥」。

雖然布殊簽署左法案,減免同銀行達成債務重組業主的稅務負擔,但由於多達一百八十萬份樓按的息率,明年仍然會大幅標升,預料跟住兩年可能會有五十萬個業主斷供,被銀行收樓,到時又不知有幾多人要搬去帳幕。

加州目前是全美第二個最多人被收樓的州分,平均每八十八戶就有一戶被收樓,你說,美國人怎會不需要聖誕老人!

香港目前的情況好少少,雖然股市近日大跌,但家底厚的人仍然不少,以經濟連續增長十六個季度,通脹又升至九年新高來看,明年理應不需要勒緊褲帶。不過要留意的是,貧富懸殊的差距已經日趨嚴重,到底我們是選擇視而不見,還是肯用心、真的協助他們下一代脫貧,社會是時候作出選擇。

1 則留言:

midnightrun 說...

到了這個地步,我覺得美國明年出亂子基本上已經肯定了。(事實上,要不是伯南克力頂了半年,今年八至十月可能已經見了股災也不定)

美國一倒,香港的經濟也很難幸免。畢竟以美國為終端市場的公司實在是很多。而最近中國通脹禍延香港(看我們的豬牛價格!),更令我擔心一旦美國的問題拖累本港,我們會否不由自主的跌入"滯脹"困局? 我們的進口通脹不由自主,本土市場我想也填不了與美國貿易減少的損失,我輩港燦在大陸謀生創匯的能力更是...我看大家還是提高危機意識為上!!