2008年1月17日星期四

打藤

星期三股市單日跌左近一千四百點。

歷來第三大指數跌幅。

滙豐當日收市跌至115蚊水平,離孫柏文目標只差兩個半,呢鋪可算是「終極平反」!

當日我們訪問了一個買了三十年滙豐的投資者勞先生。

他當日買的時候,仲係叫香港上海匯豐銀行。

勞先生話當年以持有匯豐為榮,但過去三年,睇著揸左幾十年嘅愛股一日差過一日,幾乎變成唔敢話比人聽自己買過滙豐。

昨日的低位,變成今日高位。日日如是,但對呢隻獅子仍有情意結。

連續跑輸三年,不過單看派息,點都夠穩陣。

美國問題係大,評估最差情況,分析員傾向將匯豐同花旗比。

同樣面對撇帳問題,但以高盛預測數字比較,匯豐市盈率仍然較花旗低,最重要係資本充足比率超過百分之9。
睇番花旗,兩度獲注資、幾乎搵過晒所有人,先得8倍。

有分析計過,就算匯豐將旗下350億美金結構投資工具全數撇帳,資本充足比率都有百分之7多的。

即使美國業務真係「零」,歐洲業務唔計,單係香港同亞太業務每股仍然值近95港元。

做成滙豐大跌、除左係外圍唔就,高盛羅慕斯更成為「黑手」!

報告分三日出,先估要撇帳百三億美元,確認沽出名單,同日間行仲叫人買三個期PUT輪。

當日股價跌超過兩蚊。

星期3,就以研究揣測係咪減派息為題發表報告,適逄全球股災,匯豐再跌超過5元。

兩分報告令匯豐跌,左8個4。

羅慕斯話,滙豐最好為審慎起見,暫時停止近年每年有1成1每股派息增長政策,「忠告」匯豐將派息水平回復到06年水平。

回想一年前里昂首次出報告,當時「單邊」獨沽滙豐,看115元,當時成個市場完全無知音,個個當佢傻。

豈料一年後預測成真,分析員自己都無「自吹自擂」,這樣才更叫人尊重。

3 則留言:

Allan的投機世界 說...

勝不驕,敗不餒。向股票或其他商業環境都應有態度!路遙知馬力,一日半日的成敗,不足論成功!

p.s. 標題用「打藤」?雖則節目一開始青姐用執雞毛掃,但同內容好似唔係咁match喎!?

pakman 說...

I think Cafe dude has to show Allan that footage of me being whacked by 青姐 with the 雞毛掃 hahahahahah

Allan的投機世界 說...

信賞必罰,講錯要打就話o者!咁現在講o岩,叫青姐獎勵番你啦!

p.s. 其實好唔明,個個人都話抄奧運熱,黎緊個巿會大升番上去。但係上年10月,亦都好多人一廂情願咁覺得每十年十月必跌的大眾思維消失。我覺得中央犯不著為一個奧運令自己經濟步入萬劫不復的地步。

果日睇你地講開steve jobs提及的「無hardisk」概念。講真,小弟求學時代用256k modem玩bbs的時代,完全估不到用可能像今天的網上時代來生活:看報紙、睇股價、處理家居費用。只可以講:科技的改變,沒有不可能。