丁世民,好嘢!

1984年以來首次減息四分三厘。

911事件以來首次在聯儲局常規會議外減息。


我們早上訪問嘉賓丁世民,他當時「實牙實齒」說今晚聯儲局就會減息半厘,下星期再減息半厘,當時仍半信半疑。到下午股市大跌二千幾點時,當然完全已經拋諸腦後……

點知真係成真,今個星期風雲人物,非simon莫屬!

說回減息,批評係一致話反應慢,不過減息四分三厘又令人喜出望外,連Jim Cramer都忍不住要讚伯南克。

財長保爾森表示,聯儲局減息係具建設性,能夠回應市場需要,有助重建市場信心。

擔心經濟衰退,市場對前景睇法一日比一日悲觀,信心跌至低點。

有分析指,伯南克係無得揀,原因係2年期國庫券息率走勢,已經跌至零四年最低水平,反映市場預期經濟一定會處於衰退。

亦無得等,下星期公開市場委員會開會前要盡快提早減息穩定市場信心。

華爾街日報亦指,全球股市恐慌性拋售,俾聯儲局好大壓力。

無論如何,聯儲局肯積極減息,對剛開始衰退的消費市道,將是最大強心針。當然,如果肯早兩日減息,港股呢幾日大概都唔使咁驚濤駭浪!

#################################

提多一句:

今日公布通脹率是3.8%
目前匯豐優惠利率係6.75%
明日減息四分三厘後,優惠利率去到六厘。
按揭利率目前是P-3%= 3%

按揭實質利率:3.8%-3%= -0.8%
哇,仲唔買樓????

留言

匿名說…
想問到底一個因經濟差而減息, 是否應該開心...? 同時如果股市是走先過樓市的話, 但現在又負利率, 那到底未來樓價是升或跌的??

其實有時真的想不明白, 香港樓價到底靠甚麼來大升的? 我不是甚麼專家, 只是覺得很多日常生活用品都要加價, 但是人工的加幅又跟不上, 那麼普通市民是不是真的有這麼大的能力去買樓?

說起買樓, 其實香港有沒有方法去限制發展商建樓時的實用率和(發水)的問題?現在的新樓實在是不能接受....

希望各方指教, thx
匿名說…
hi!
Thanks for sharing and i am a regular reader of your blog, just wondering why 3.8%-3% = -0.8%? Is 按揭interest 3.8% at the moment?
damon說…
US就算昨晚唔減息;下星期議息都一定減.!!!
唔係攪分化!!!但..問心..如果要開大題目點名讚..應該要先讚推介一注獨嬴沽匯豐$112.5而又到期的"股壇大蟒蛇"---孫栢文啦!!(點解要叫大蟒蛇.唔知呀.佢三十應該屬蛇.又夠噸位..冇貶意的...)heheeeee
Moneycafe說…
Thanks for the opinion.
Well, 我們上星期已經在到價日公開表揚孫生,佢個一注獨沽照跟就真係不得了,我地仲搵番當日條「藤條」出來。

不過丁生實在好嘢!做左傳媒咁耐,鮮有分析員咁大勇氣朝早會講夜晚的預測,因為真係開口中!而且丁生實牙實齒咁講,真係令人敬佩!

kevkev,

Sorry about that, it was really a careless mistake.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將