倒掛

對於今次伯南克減息,市場認為「有好過無、早好過遲」。

如果係上星期仲好。

當然仍然有人不滿,呢個世界唔好有人可以滿足所有需求。好似前聯儲局理事「邁耶」就批評聯儲局進退失據,連一星期都唔等,提早減息。

其中一餉觸發點,除了是全球金融市場恐慌性拋售外,更大問題係,部分債券發行商評級可能被調低。

萬一佢地出事,問題更大。

調查顯示,有超過七成意見預期,下星期議息會議,會再減息半厘。

英美傳媒社論都批評伯南克,英國金融時報社論話,放低通脹,大幅減息可以理解。但呢個時間行動,感覺係聯儲局自我恐慌,同無法控制貨幣政策。

作為經濟體系的醫生,聯儲局能力有待測試,華爾街日報亦指,聯儲局處理今次危機值得商確。伯南克能力有待磨練,原因係伯南克之前公開講話,俾市場印象係提早減息,到頭來會造成市場恐慌。

報道指,伯南克在星期一「馬丁路德金」假期如常返工,當日佢見到金融市場恐慌,心知不妙,隨即諮詢副主席「科恩」、同紐約聯邦儲備銀行行長意見,之後召開視象會議決定減息,不過理事「米什金」就走左滑雪無出席。

要留意今次聯儲局突然減息,對其他央行會做成很大干撓。日本央行唔好講,大摩已經估緊下次利率調整係向下不是向上,加拿大央行即日就要跟著減,而歐洲央行本來要加息,而家都要可能減。

更大影響可能是我國,美國減息後,中美利率首次出現「倒掛」,一年期人仔存款比起美息仲要高64點子,如果人行再加息,勢必引起更多熱錢流入中國,變成進退兩難!

摩根士丹利指估計,中央官員稍後會改口風,強調受外圍不明朗影響,令經濟增長可以軟著陸,但唔會高調宣布放慢宏調。

留言

匿名說…
青姐講來講去三複被,有無的新意,講唔覺得悶聽眾覺得悶 !!!!
這次減息証明問題已經非常嚴重,市場氣氛已經走向負面,感覺現在比02年美國會計帳目問題更嚴重,上次已經將DJ由一萬二左右滑落今次大部份人都會說次按比當年會計帳目問題嚴重,不過大部份人都不記得上次02年有幾慘.香港高管已經嚴陣以待,銀行都跟隨減息相信一浪接一浪可怕的消息情緒會慢慢浮現,今次減息同之後再減只是"止痛針". 另一方面中國現在處理通漲已經用行政手斷其實都知道問題麻煩,加息只會令"荷蘭病"出現機會提高. 中美現在都陷入經濟兩難局面. 還有一個計時炸彈就是印度/越南已經漲幅不少,而且貨幣經濟政策不成熟,會開始成為國際炒家滾大本金的機會再推其他國家經濟的前哨戰..

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將