出路


再減息,就算存十五萬到銀行,息口得半厘,即係六十蚊,想點?

滙豐嘅存款利率,15萬或以上利息由零點七五厘,減至0.5厘。

小額嘅五千至一萬蚊,減10點子後,得番0.05厘息。

利息咁少,擺錢入銀行無乜著數,如果戶口結餘少,就更要留意。

以滙豐恒生嘅一般儲蓄戶口為例,最低結餘少過五千蚊,唔只無息收,仲要俾50蚊月費。

就快無息收,股票又高危,買樓入場費又太多,點部署好?

有幾個選擇真係值得諗諗。

轉去有高息派的外幣存款,在一些中小型銀行存一千蚊以上,澳元戶口半年收到6厘75利息,新西蘭元仲高,有8厘樓上。

四叔講計埋升值回報率有一厘四,其實都算保守,只要澳元升到一算(唔好話無可能....),單係升值都有一成半回報。

就算驚高息貨幣波動,穩陣可以揀人民幣,雖然存半年都唔夠一厘息,但有升值概念撘夠。

單計一月分,人民幣已經升值百分之一點七,係匯改以來最大升幅。如果個個月都有1.7%升幅,複式計上去都幾和味。

真係唔想只係單一投資咁搏,不妨將啲錢分散在農產品同商品期貨基金,預計今年回報可以高達1成半至兩成。

進取派就揀再生能源基金,舊年回報保守有五成,特別留意歐盟上周要求所有電力公司,要在2013年前自行在市場買入emmission trading,唔會再作出豁免,加上澳洲新總理陸克文表明會加入京都協議,看來在全球衰退浪潮中,再生能源仍然會是焦點。

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將