網絡三國

GOOGLE行政總裁Eric Schmidt ，打過電話俾雅虎行政總裁「楊致遠」，所謂何事？

原來係問有咩幫拖？

Schmidt話，可以協助雅虎「抵抗」微軟嘅收購。雅虎方面，亦證實兩人通電話。

按照美國反壟斷法嘅規限，GOOGLE當然唔可以加入雅虎嘅收購戰，不過其他方法多的是。

好似淨係「科水」，或者向Yahoo!提供一個guaranteed advertising revenue，總之就係要Yahoo!繼續獨立落去。

但目前雅虎可以話「唔憂賣」，即使微軟以每股31美元嘅高溢價提出收購佢地，雅虎聲明只係話會考慮所有可能，包括可能接受或者維持公司獨立性，但目標都係以股東最大利益為依歸。

英國金融時報報道，微軟準備將收購價提高到每股43美元，提係收購價仲有近四成提價空間。

微軟收購雅虎，明顯係想挑戰GOOGLE，喺搜尋網站「一哥」地位。

好似Simon 所講，微軟收購雅虎最精采係呢句:
「Today this market is increasingly dominated by one player. Together, Microsoft and Yahoo! can offer a competitive choice」。

因此，佔左online advertising五成市佔率的GOOGLE，技術顧問「德拉蒙德」都要在GOOGLE網誌上表示，微軟收購雅虎，是企圖將微軟喺電腦軟件業嘅壟斷，進一步申展到互聯網嘅領域。

他指，互聯網行業公開競爭，是十多年以嚟網上革新嘅主要動力，一旦微軟成功收購雅虎，會逐漸破壞行業嘅公開競爭。

他認為，壟斷軟件業嘅微軟，同雅虎合併後，只會限制消費者，唔可以隨意使用到微軟市場競爭對手嘅電郵、即時通訊同其他互聯網相關服務，對消費者唔公平。Google促請世界各國政府嘅監管機構，反對微軟收購雅虎。

本身佔左online ad 五成佔有率的GOOG，已經咁快憂慮微軟同雅虎會雙劍合璧，唔通MSN加上Yahoo!真係會變成Killer？

只是短短幾日時間，已經有連環、合縱，而家可能仲有反間，真係好似睇緊一輯網絡三國誌一樣。