2008年2月13日星期三

神救世人


股神出手,真係救市?

巴菲特旗下巴郡,在上星期同AMBAC、MBIA同FGIC三間債券保險商會面,提出為他們承保八千億美元地政債券,額外提供擔保,但就講到明,唔會包括較高風險CDO。

睇下條件,其實巴菲特真係幾「辣」:
巴郡提出的方案,會向債券保險公司收取番佢地收取到的五成保費,即係巴郡要同債券保費商「對分」收入,即係巴郡穩賺!

對債券保險公司來說,這批擁有三A評級的債券,已經是最後防線,他們肯定是萬個不願意賣斷。

其實早在上星期三,巴菲特已去信三大債券保險機構代表銀行LAZARD,提到有關承保地政債券建議,信中表明希望5日內完成交易。

當然債券保險機構反應冷淡,否則巴菲特根本無需要高調,透過傳媒公開計劃。

巴菲特公開計劃後,華爾街揣測佢動機。不過股神直言動機好簡單,就係要賺錢。

三大債券保險機構中,AMBAC已表明不會接納巴菲特提議,因為睇唔到巴菲特方案會有助確保公司評級。

英國金融時報 LEX指,如果債券保險機構接納建議,即係將自已持有最低風險資產賣斷、剩低就係一批同廢紙無異的CDO,後果可想而知。

不過大家不要忘記,股神個多月前踏隻腳做Bond Insurer,其實是在紐約保險監管機構Eric Dinallo的祝福下先進行,因此動機當然要複雜一些。

其實如 LEX所講,股神提議很合理: 一間公司將「好」的及「壞」的資產先作抽離,將好的資產重新包裝、可以出售、可以證券化、可以再再保險,總之是重新反映合理價值。

對保險機構來說未必是壤事,最少可以透過市政債券增加番流動資金,壞的資產賤價減持。而對市政府來說,可以重新將發債定價,最少出到糧。而評級機構亦可以儘快解決這場噩夢: 佢地都受唔少壓力!

當然,還有布殊同保爾森。

而家搞到高校批唔到學生貸款,唔能夠拍賣利率票據,就連朗郎曾經演出、有過百年歷史的Carnegie Hall,都可能因此缺乏營運資金,恐慌只有不斷蔓延,看來在市政債券持有人壓力下,MBIA等其實無得揀。

所以有理由相信,巴菲特最終都係會成功!

4 則留言:

pakman 說...

Not 50%, but 1.5 times...

Highway robbery but our guile Buffet hahahahaha

pakman 說...

Oh also... These insurers have already pocketed the cash. The 'future revenue' are all accounting magic.

MoneyCafe 說...

MBIA話自已「equipped to weather slump」,好似好有信心。

不過以Eric Dinallo高調介入,相信最終MBIA都係要向現實低頭。

大傻 說...

股神如想染指那些州政府債券,他可以選擇靜靜地等待那些債券被降評級,接著只可以持有AAA級債券的政府機構和基金被迫沽售,市場上有大量供應的時候趁低吸納,股神如今高調地提供再保,我相信是有人在幕後牽紅線的。