2008年2月6日星期三

錢,是解決得了


撓釀近半年,李國寶參與道瓊斯內幕交易案,終於在賠錢下了事。

事件始末,要由舊年四月十二號講起,跟據美國證監引述法院文件,當日,作為道瓊斯公司董事嘅李國寶,係透過顧問,第一次知道,新聞集團有意收購。

到第二日,李國寶同華潤萬眾前執行副主席梁啟雄,一齊坐飛機到上海,期間透露咗呢件事。

梁啟雄就喺當日,同之後兩個交易日、透過女婿王勤競在美林證券,買入道瓊斯股分。

到27號,李國寶出席道瓊斯董事會,知道收購詳情,期間又多次透過電話,電郵,又或者至少一次會面,再同梁啟雄講呢件事。

30號梁啟雄再買入道瓊斯股分,一日後,收購交易正式公布,梁啟雄就在五月四號全數出售手上股分,獲利812萬美元。

好明顯,一個在收到料後第二日就已經露口風。另一個仲緊要,收到風第一日就出擊,根本成件事就係有晒預謀。

大家可能奇怪,為何證據確鑿,美國證監會都唔出手入罪?

其實都是公眾利益。人家財雄勢大,律師團個個明星級,就算表面證據成立,萬一舉證過程中有任何出錯,分分鐘令案件難以入罪。

不過SEC都不忘補句,過程顯示,李國寶曾經俾「內幕貼士」梁啟雄。

今次達成和解協議、李國寶同意支付八百一十萬美元,梁啟雄就合共支付一千六百二十萬美元。

所以說,錢解決得了的,根本不是問題!

3 則留言:

匿名 說...

寶哥哥把口咁疏,究竟佢有冇把行政會議的機密漏出去而使人早著先機呢?

匿名 說...

久違了的李兆富,仍然是好!

他說他在搞Start up ...他沒在蘋果了嗎?

pakman 說...

李兆富在蘋果搞 Start up..

I know... sounds strange. But it will change the way we live forever...

ok... maybe not...
or maybe it will...

ho ho ho