強烈要求郭氏三兄弟辭職

這是什麼道理?

管理層話不希望郭氏三兄弟的私人事務、會影響新地業績記者會的焦點，因此已休假的大哥不出席，連兩個細佬都選擇做縮頭烏龜，索性不出席記者會。

大佬呀!你三兄弟孭住主席、副主席、董事總經理多職，而家話唔想因為私人事務受關注而不出席記者會，不單是對傳媒一種歧視，亦完全是將小股東的知情權及尊重棄之不顧。

面對市場愈來愈多對企業管治的質詢，選擇逃避絕對是危機處理下下之策。私人事務其實真係無咩興趣知，但你家族情仇影響到公司事務、包括管理層更替，就是股東所關注的切身利益，亦是企業管治的問題。更甚的是一個郭老太，本身在董事會無權無職，不過跟據副主席李兆基所講，郭老太可以叫邊個行開就行開，完全凌架所有董事之上，作為股東，其實真係完全被曚蔽了知情權。

其實真係可以唔出席，家事都可以唔外揚，只要三兄弟即時辭職，交由專業管理層負責，我理你啥?

說到尾、都係佩服邢李火原。