兩美元

被指為美國經濟大衰退以來最大救市行動。

聯儲局周末緊急會議決定三項救市措施。

第一,即時減貼現率四分一厘。

第二,擴大貼現窗功能。

更罕有係包底向摩根大通貸款收購資金出現問題嘅貝爾斯登。

1979年嚟首次周末減息,貼現率減至3厘25,希望舒緩銀行資本壓力。

更大改動係,成立九十四年以來,聯儲局首次比銀行以外二十個主要交易商用貼現窗借入短期資金。

但趕在亞洲開市前,速成的貝爾斯登賣盤就受較大受議。

令人震驚的是,摩根大通收購作價、只是相當於每股貝爾斯登只值兩美元。

上星期BEAR STEARNS收市每股值三十美元。

一年前高位是159美元。

咁低作價、貝爾斯登股東當然係唔高興,去年博低位收購英國富豪JOE LEWIS更是即時入肉。他們質疑以公司總部物業都值八美元一股、將公司清盤反而不用損失咁多。

但公司管理層其實無得揀,因為聯儲局比貝爾斯登嘅選擇,只有係即時接受每股兩美元收購方案,或者係清盤。

華爾街日報形容,聯儲局講到明,拯救方案要即日決定。

英國TIMES就以聯儲局逼貝爾斯登賣盤為題,評論呢宗交易。

說來巧合,今次聯儲局支持摩根大通收購貝爾斯登,數番歷史,十年前美國政府上一次救市,就是由前財長魯賓帶頭,聯同「十大行」拯救對沖基金「長期資本管理」LTCM,而當時貝爾斯登是唯一無參與拯救行動的華爾街大行。

十年後,就輪到他們成為被拯救嘅對象,可說是風水輪流轉。

至於貝爾斯登現任主席、前任行政總裁「凱斯」,去年被華爾街日報揭發話他在七月分貝爾斯登兩隻基金爆煲時,走去打高爾夫球同橋牌,並指佢經常唔喺公司出現,最終要辭去行政總裁、轉任為非執行主席。

無獨有偶,今次貝爾斯登出事前,「凱斯」又係去左去打橋牌,星期6先由底特律趕返紐約。

打橋牌都可以輸左間85年歷史的大行?天呀!

留言

或者moneycafe的主持不太了解美國的文化。現時打橋牌(poker)的瘋魔程度,是很誇張的。
Moneycafe說…
就算怎樣瘋狂,也不應將正經事置之不理吧?

wsj講,佢直情打牌打到連手機同blackberry都唔帶,如果係咁,不如一早辭埋主席個位仲好,最少唔使累街坊。
絕對唔奇!美國有d poker比賽,可以由電視台直播,全日都係播緊個比賽。連手機同blackberry都唔開?絕對唔奇!

可知現時美國賭場最hit最項目,不是澳門勁hit的百家樂,是poker。hit的程度,可以誇張講,社交圈子中,你可以係無車牌,但一定不能唔識打poker。

孫柏文咁熟美國,無理由唔問下佢喎!

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將