2008年3月21日星期五

造謠者

貝爾斯登事件繼續有新發展,近日好似大摩等投行繼續向BEAR STEARNS等高管人員招手,結果觸動摩根大通高層神經,認為對其他投資銀行係「食碗面、反碗底」,因為他們自以為收購是穩定了整個金融市場,亦因此對他們招攬貝爾斯登的高層感到憤怒。

連摩根大通主席都要親身行落兩條街,向其他貝爾斯登高層提出安撫,並大派定心丸,指有能力的員工一定有得留底。不過如果你作為貝爾斯登員工,又會唔會受落呢一套?

兩美元的賤價唔單止對貝爾斯登員工做成打擊,更大鑊的是最近先增持貝爾斯登到百分之八點三股權嘅英國著名投資者Joe Lewis,劉易斯話,如果有需要,會採取行動保障自己利益,並會鼓勵貝爾斯登,考慮其他方案。

以近日貝爾斯登升至近六美元一股計,似乎背後真的可能有後著。

貝爾斯登令劉易斯蝕超過10億美金,不過原來貝爾斯登出事,股價大跌最少四隻對沖基金各賺數千萬美金。

報道話,呢的沖基金坐之前同貝爾斯登有業務往來,個別交易員更係前員工。

舊年底起,對沖基金,以至炒家開始睇淡貝爾斯登,佢地分別買入大量認沽期權、或者係沽空貝爾斯登。

目前美國證監會已展開調查,貝爾斯登出事前、點解會突然有大量期權合約,分析員就話唔排除有人收到內幕消息,以星期五計,涉及貝爾斯登借貨沽空,佔股分總成交兩成半,比平日多好多。

另一邊英國,監管當局亦高調發表聲明,話正調查有無人,涉及故意散播謠言造市。

事緣係星期三,英國時間上晝八點半,金融界傳出,最大按揭貸款銀行之一嘅HBOS資金有問題,正爭取英倫銀行借入數以十億英鎊急緊貸款。

到開市無耐,HBOS急跌1成7,跌至新低水平。

有傳媒報道,佢地見過一個電郵,指HBOS周末要用英倫銀行緊急商討。

銀行同監管當局都否認,報道話,日前一樣有大約十億英鎊股分被沽空,懷疑有人從中獲利一億英鎊。

看來面對亂世,有不少造謠者已蠢蠢欲動,以近日人心虛怯,真的很容易讓他們得手,看來大家都要謹慎一些。



2 則留言:

Wireless 說...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Wireless, I hope you enjoy. The address is http://wireless-brasil.blogspot.com. A hug.

匿名 說...

moneycafe:
題外話,林俊業係唔係會離開cable?
steven