Click(視像版)

一個名不經傳的ComScore 報告,居然打散了巨無霸goog,股價跌至一年低位。
同去年第四季高位比較,無左四成。

去年底仲聽到不少分析,指科技股可以避開經濟衰退,殊不知事隔幾個月,新經濟已經跌得焦頭爛額。

ComScore的報告話,一月分美國點擊ad 按年下跌百分之零點三,雖然無話好似樓價咁到無底深淵,不過與去年十二月同十一月升12%至27%比較,跌幅已經是相當顯注。

有一批所講GOOG Watcher,質疑到底用家係咪真係毫無意慾去click 一下隻老鼠?

上周五ComScore終於為自已解畫,可能會令大家稍為放心,因為佢地詳細分析過GOOG點擊報告後,數據並不反映GOOG前景疲弱、或者係美國經濟真係放緩。反而最大原因,係GOOG自己提升客戶服務所做成。

原來去年GOOG為提升客戶體驗(呢個一直都係佢地最大強項同賣點),搞左一個所謂QUALITY SCORE計劃,主要係優化網上廣告與網頁之間配對,而每一個配對的點擊廣告,將可以獲提升收入。

因此ComScore提出:「Therefore, Google's revenue will not necessarily suffer from this.」

死未!

當然好似創辦人Sergey Brin所講,GOOG04年上市以來,根本無打過「逆境波」,直言面對衰退根本唔知點做。

其實只要GOOG可以專心改善客戶體驗,根本唔需要理會到底大環境到底有咩變化,因為上網己經衣食住行外現代人生活的必須品,好似又係BLOGGER、又係Venture Capitalist的Fred Wilson所講,面對衰退,Marketers反而傾向將錢在有增值能力的PAID SEARCH身上。

Fred Wilson話,如果GOOG股價再跌,佢會訓身買。你呢?



留言

大傻說…
美國經濟衰退,我不相信google能獨善其身,他們的企業客戶看到自家的營運收入持續下降,必然會削減各類包括廣告開支,google受的衝擊只會比傳統媒體輕一點,不會完全不受影響,而且廣告預算削減後,即使經濟能復甦,企業亦不會立即追加廣告預算,要等一至兩季看清楚經濟發展的方向,才會增加廣告開支,google的天價主要靠高增長的營利來支撐,來季收入即使沒有減少,只是放媛也夠令股價受壓。
匿名說…
李兆富的分析十分深入淺出,也很中points。是一個很好的嘉賓。可否邀請他多上Money Cafe ?
匿名說…
很欣賞李兆富講IT界新發展!好!
匿名說…
可否有預告誰會是嘉賓?因每次要睇才知!

我有時想特別看李兆富或sky做嘉賓,但又唔知幾時到他們上來,最終日日見到肥仔孫栢文!孫栢文不是不好,只是我們看Money Cafe,就係想多元化,多角度看金融市場嘛!不同人,多些不同的嘉賓可有更多元化的題!

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將