舞高弄低

高盛亞洲羅慕斯，上周又憑一分報告，將滙豐股價舞高弄低。

先講佢本人，如果講銀行分析員，他是十幾年來，少數、又或者係僅存仲在行內分析員，而且他一直室高盛未走過。

羅慕斯極之低調，不過，據講ROY RAMOS在菲律賓極有地位，亦因為RAMOS呢個姓，有人話，他是王族後人。

講真做高盛真係唔錯，次按風暴吹襲華爾街，目前全球最賺錢商人銀行，仍然相當豪氣，仲攞出180億美元，即過千億港紙做額外花紅獎賞員工。

其實要入高盛，好似要記14條業務原則，其中一條係要記住最重要三大財富，就是員工、資本同聲譽，所以高盛1869年成立到現在，仍然越戰越勇，一批好有經驗員工坐陣，就是其中一個成功元素。

講番RAMOS，早年都肯接受傳媒訪問，依家一一欠奉，令他在行內咁出名，匯豐唔多唔少都幫佢一把，特別是他與匯控前主席龐約翰好友好，之前仲是匯豐大好友，早在２千年，佢曾經話匯豐半年內會見百５蚊，就算０１年，９１１後他都係繼續睇好匯豐。

不過自從JOHN BOND退休後，羅慕斯對匯豐無咁睇好，今年年初，更係睇淡匯豐到達頂峰，仲叫人買滙豐認沽權證，實行要佢跌就跌。

他連環出擊，出足幾份報告建議沽售，滙豐一月直插到一百零四元邊沿，失守埋250天線。

直至近日滙控強勢，上番250天線，又係佢出報告之後，事關前幾日，羅慕斯轉軚，話匯豐見底，目標價仲調番高到百五蚊。

不過匯豐升到百３蚊樓上，先至出聲話調高評級，似乎太遲，有些大行在滙豐117蚊個陣，已經出報告叫客買貨。而聽高盛講買左認沽證唔識CUT LOSE仲慘。