原來愛上賊
一個「大賊」成為了一周風雲人物。
呢個鼎鼎大名嘅賊已經係第四代人，佢就是著名電腦遊戲「GRAND THEFT AUTO」，開售一星期以嚟，賣出左六百萬，唔單止打破舊年微軟推出嘅對戰遊戲「HALO 3」創下紀錄，以總值五億美元計，甚至係打破左所有「娛樂節目」，好似係電影SPRIDERMAN、或者是書「HARRY POTTER」創下銷售紀錄。
到底呢個賊點解咁巴閉，可以令全世界都「原來愛上賊」?
遊戲SERIES由九七年推出第一集以嚟，已經因為全新玩法，由傳統玩家扮好人、改為扮大賊，一個咁有創意現法已經吸引左唔少玩家注意。
最新一輯遊戲、講述嚟自東歐主角，喺一個叫「LIBERTY CITY」、即係以紐約做藍本嘅大都會，點樣作奸犯科，殺人、搶劫、販毒，無惡不作。
以銷售成績咁好，難怪公司「TAKE-TWO」主席都話，相信呢個銷售紀錄係「史無前例」，唔會再有電影或者音樂可以打破!
而有唔少英美報道，都指喺遊戲推出後，犯罪率都有上升趨勢，更家有唔少遊戲店都有搶劫GTA情況。
最令人驚奇係喺倫敦一間遊戲店，本來有一百個排緊隊嘅玩家，點知排排下，其中一個突然拔出利刀，襲擊一個路過嘅途人。
起初一班玩家都以為係商店搞綽頭宣傳，直到警方到場、先知道出事，都咪話「唔搞嘢」!
呢個遊戲吸引之處係除左玩法創意外，玩家話最有趣係迫真，除左可以自由出入紐約一些大地標外，玩家仲要在遊戲入面搶車、搶手提電話，之後再同並其他玩家以「電話」聯絡，甚至唔夠打報警求救都得，都咪話唔迫真!
就是因為迫真，所以遊戲不單止吸引到玩家，廣告商都有好大興趣喺遊戲入面賣廣告，好似有一段片最初以為是遊戲demo片段，點知睇到一半先發現，原來係可樂賣廣告，又真唔可以唔佩服廣告公司。
似乎電腦遊戲已經成為BLOGGER、以及社交網站以外，另一類新興廣告媒體。
而微軟同新力，亦都趁住今次GTA大賣，加強催谷旗下XBOX 360同 PS3銷售，其中微軟更反通脹、逆市將XBOX減價。
今次GTA 亦可以話成為開發商TAKE TWO的救星，因為最大電腦遊戲公司EA正是打算全面收購，就靠住一隻GTA、分分鐘可以叫更高價錢，有分析員己經用微軟同雅虎例子來形容今次收購，似乎對EA來說，GTA真是一個「賊」!
留言