動容

今個星期，眼裹看到不少救人救災、捨己救人的場面，我一邊看新聞一邊看報章，也不知自己哭過了多少遍: 有母親以自己身驅保護自己的幾個月大的孩子，手機上留下訊息是「如果你能活 ，一定要記住我愛你。」; 有教師為了保護自己的學生、被掘出來的時候身體就是張開雙手如展翔般。

一幕一幕的片段，就如內地網民說:「穿透地震帶來的煙霧迷漫，我們看到了人性的光輝。」

其中一幕令人動容的是，總理溫家寶親自安慰一對父母已過身的小孤雛。

每次見到他對災民嘅關心，向軍人下達嘅指令，都令我越嚟越對佢敬佩。

今次四川大地震，星期一兩點幾發生，到四點零已經聽到溫總坐緊飛機前往當地，不得不令人服他的反應及承擔能力。

總理馬不停締，去不同地區，直至呢一刻佢仍然喺四川，大地震後第二日，溫總下達命令，唔理幾大代價，都要進入汶川，之後解放軍首支部隊先終於闖入震央汶川縣。

聽喺現場嘅記者講，溫總真係親力親為，唔單止統領，仲喺親手參與救人時跌傷，為救災流過血。亦都嚴例訓示部隊，要揸緊時間救人。

有香港記者講，如果你喺現場，見到呢位年過花甲嘅長者，都會喊出嚟，

溫總承認，今次是49年以來破壞性最強嘅地震，這個大膽言論，相信好多官員都寧願自已知，都唔想宣布出嚟。

今次地震威力超越唐山大地震。當時一共奪走24萬條人命，要留意76年時唐山大地震，中央警覺性相當低，今次透明度高，不會收收埋埋，亦都接受國際援助。

而對比緬甸風災，根據紅十字會話，當地死亡人數可能高達十三萬人，遠比官方公布嘅三萬幾多好多。緬甸軍政府到目前仍然阻撓好多外國組織入境救災。不唔單止咁，緬甸受風災重創，但軍政府仍然舉辦公投，仲話新憲法獲得超過九成民眾支持，呢個結果就受到質疑。

經濟學人同英國金融時報就都有專題報道兩地嘅天災，亦講到中央已經吸受了沙士的教訓，希望可以做到一個負責任的政府。

雖然仲有好多不足之處，但大家都應感受到國家的確努力改進貼近國際標準，亦對每條人命表示尊重，亦理解資訊流通嘅重要性，希望中央官員今次可以感染到一批地方官員，避免地官員控制言論，怠慢處事。

希望下次有機會再談談地震後的重建，特別是可以參考阪神地震及東亞海嘯的影響。