長尾
又係每季報數時間。
零八年第一季港台電視節目欣賞指數調查，有線財經跌至二十大尾，好在有個「財經即時睇」節目排上十五位。
當然「有線財經」就繼續保持走在最前線，排名第四，僅次於星期二檔案同鏗鏘集之後。
講到CAFE，雖然是二十大不入，不過在認知率低的一個組別( 收視5%以下)，排名居然是第二，而其他有線財經節目，好似商品有價、創富早餐及大行報告，排名都不錯。
如果再仔細睇呢一組排名，十二個入榜節目全數為有線出品，這反映了一個事實: 我們在製造「長尾」!
這正如CAFE一開始的構思: 節目並非針對一些只慣問 NUMBER的觀眾，而是希望集中一批追求更多知識的中產觀眾，他們本身已經有很豐富的投資經驗，追求的是更廣闊的國際視野、渴望了解香港及以外的政經、經濟理論、管理、IT的智識，而這些很明顯是小眾有興趣的節目。
本港的媒體競爭，現在無論是收費電視、互聯網、報章、以至電台，都全面步入跨媒體年代，競爭當然愈趨激烈，但我們相信不會出現一家媒體獨大情況，反而只有抓到長尾，才有自己的生存空間。
零八年第一季港台電視節目欣賞指數調查，有線財經跌至二十大尾，好在有個「財經即時睇」節目排上十五位。
當然「有線財經」就繼續保持走在最前線，排名第四，僅次於星期二檔案同鏗鏘集之後。
講到CAFE，雖然是二十大不入，不過在認知率低的一個組別( 收視5%以下)，排名居然是第二，而其他有線財經節目，好似商品有價、創富早餐及大行報告，排名都不錯。
如果再仔細睇呢一組排名，十二個入榜節目全數為有線出品，這反映了一個事實: 我們在製造「長尾」!
這正如CAFE一開始的構思: 節目並非針對一些只慣問 NUMBER的觀眾，而是希望集中一批追求更多知識的中產觀眾，他們本身已經有很豐富的投資經驗，追求的是更廣闊的國際視野、渴望了解香港及以外的政經、經濟理論、管理、IT的智識，而這些很明顯是小眾有興趣的節目。
本港的媒體競爭，現在無論是收費電視、互聯網、報章、以至電台，都全面步入跨媒體年代，競爭當然愈趨激烈，但我們相信不會出現一家媒體獨大情況，反而只有抓到長尾，才有自己的生存空間。
留言
進入internet年代, 舊式大眾傳媒的收視率概念, 可能要重新檢討
http://www.rthk.org.hk/special/tvai/2008/question.htm
不錯，現代人上網時間更甚於看電視(可能兩者一齊做)，作為舊媒體，我們真的需要再檢視點樣發展長尾市場。
小弟今年就大學畢業了，從前睇money cafe可說是不定期的，但從考試期間當作小休，三十分鐘剛剛好~反而放鬆左又學到野!現在日日都追了~
最吸引到我看的是主持們的個性，嘉賓的內涵及知識的廣泛，的確吸引著我去追看。每日半小時不同的話題的確令到眼界更廣，有時更會帶出一些新穎的角度。我最想講的是昨晚睇到恆生總經理訪問。帶了我去從一個老闆的角度去睇作為畢業生的我看金融界的入門~
謝謝你地在香港建造一個如此有趣的空間!香港呢個地方以"相當客觀"的數字黎做標準，長尾未必會有"主流"欣賞，反而我相信睇money cafe的觀眾真正目的是享受這杯口味剛好的咖啡。一間成功的咖啡店應該有自己個性口味的咖啡。
難得上黎打左咁多野，都希望Money cafe可以繼續努力，如果香港(包括貴 台)有更多類似的節目，相信最有福的是所以參與者。
多謝你地~我會繼續支持Money cafe!
加油!
既然有光纖連接用戶,每個節目,每個頻道的收視率應有準確數據, 不似統計調查般靠估,
你們好像無利用網絡的互動特性,製作出同無線亞視不同的節目形式,
對於些要另外收費的小眾頻道,從用戶角度,如無興趣, 免費也不會0徙時間收睇
1. 最鍾意睇MoneyCafe, 尤其係青姐+C老板+肥仔孫,同埋棠棠,嵐嵐推波助瀾, 其他嘉賓唔係唔好, 不過由於身份
地位關係, 講野太過正經, 太多包袱,
佢兩個就唔同, 口沒遮攔,有0個句講0個句, 不過都唔好講D太超出香港人想象力範圍既野, 有次講冰山貓仔同性火,
C老板幾乎想教訓肥仔, 我好驚呀, 我承認我唔係好愛國!
2.雖然我唔識煮飯, 成日食快餐, 但係喜歡睇肥媽,蘇絲黃講飲講食,
樓盤傳真就個個星期六都追, 算做從小市民角度出發, 唔似其他傳媒同類節目, 簡直幫地產商引君入甕,
時事寬頻幾好, 媲美港台鏗鏘集,飛常政經就搵到猛人上0黎, 全靠飛哥面子law
3. 其他如拉近文化,香港刺針, 至fit男女都成日睇, Animax有D卡通幾有feel,
Discovery, National Geo. Animal.只係間中望0下 ( 同人講就懶環保, 懶有國際視野,
D獅子老虎咬來咬去有乜好睇, 嗚..嗚.., 其實我既口味好鬼本土, 好鬼肥師奶 )
計落有九成時間都係睇有線新聞同財經台, 應該收番平D喎!
4. 點解唔整番個節目重溫channel ,肥媽,蘇絲黃,樓盤傳真,時事寬頻.呀..........
俾我地揀番以前走左雞既集數黎睇!
So if we boost Money Cafe's name recognition, we might not even make it on the list next year? Because we are no longer in the sub 5% category?