2008年6月19日星期四

自救


每一次反彈換來更大失望。

九百幾隻股分跌停板,滬深3百指數跌超過百分之7。

上證指數又跌到落16個月低位,一日跌幅,將星期3升幅全數抵消。

查看內地網民留言,恐慌,無助幾乎千篇一律出現,個個都話當局已經放棄救市。
要救,就要都靠自已。

更好笑是,有內地傳媒報道,中證監會召集基金公司投資總監開會,並要求基金公司不再發表利淡大市評論。

咁都有禁,看來又是流料居多。

不過這些流料對股市又往往又好大影響,股民就是靠住這些道聽途說的傳聞,在星期三又一次推高大市。傳聞包括有官方背景「中國證券投資保護基金」進行救市調查、又或者係傳有政府背景「平准基金」千億入市。

結果全部證實係一廂情願。

除左有基金贖回、更壞消息係基本因素可能轉壞,里昂話,有內地更多基金經理擔心,今明兩年邊際利潤會受壓,每股盈利可能會跌。

由年初擔心宏調,到三月開始大小非排山倒海式解禁,而家演變成基本因素轉壞,熊市係咪未見底?

與其憧憬救市,有公司選擇自救。

零五年作為兩市第一間進行股改嘅「三一重工」,本來五億二千萬股股分、星期二就可以全流通。

不過公司發表一個罕有聲明,承諾呢批股分喺未來兩年都會繼續鎖定,另外兩年內股價如果都高唔過星期二收市價嘅兩倍,一樣唔會流通前兩年股分。

對於呢個舉動,內地股民是?節贊賞,三一重工可望成為解決「大小非解禁」典範。

里昂相信,上證指數跌至二千五百點,已經係有初步支持,中央亦已制定救市措施,而家只係差負責金融嘅副總理王歧山回國拍板。

7 則留言:

Charles 說...

今日信報『羅耕』先生既拚圖
A 股可以有以下幾個方式見底

一) 1929年道指式見底 A股見 800
二) 1973年港股式見底 A股見 960
三) 1997年港股紅籌式見底 A股見1000
四) 2001年B股式見底 A股見2000

暫時最似係第二。
如果以平均計 1190~

Peter 說...

Moneycafe,
其實你地可以將呢個blog嘅內容,喺部份節目中(拜托千奇唔好全日不停咁播)好似八、十點有線財經,由主播們用輕談嘅方式報導(形式就好似"現在台"嘅"環球薈報"),應該效果會幾唔錯,因為內容比較subjective,okay少有,最重要係一定有更多嘅觀眾知道有呢個blog嘅存在..

重有每日可唔可以叫嘉賓主持喺早上介紹一隻股票,唔好再係你地自己台揀啦!

最後最後,其實你地D節目片頭可唔可以執執佢呀,咩八、十點有線財經同華爾街速遞D片頭都用咗好多年啦...重有你地D圖表(好似置頂嗰幅上證指數圖)都執執啦...抄NOX都得啦!

繼續努力,支持你哋!

會計仔 說...

好多會計人都好憎白粉波, 你搵佢做嘉賓應該會得失唔少客

匿名 說...

點解咁憎佢??

會計仔 說...

條友做會長果時同香姑件事既作風得罪左唔少會員, 同埋公開話細個個時帶個白粉, 真係影衰哂

MoneyCafe 說...

Peter,

多謝你的意見,graphic一直是我們很希望改善的一環,不過由於涉及很多其他部門,我們仍在努力中,希望真的有進展。

其實這個blog的內容,有不少也是由新聞處演譯過來,不過如果要放到八點財經,咪要好早交稿.....諗諗。

會計仔,

我都知道阿paul同香姑的風波(睇馬莎過去都有多次提及),希望可以做到對事不對人....
(Well, 我都知很難處理....)

Charles 說...

今早『F台』訪問完佢。

聽完佢既自吹自擂才覺得反感。

各位有興趣自己搵返O黎聽

KEY WORD『冷靜』『專業』『獨立』『有型』『年薪五十』『視錢財如糞土』

聽完~差D連車頭都霧煙