Last Day

今個星期有股市論壇,所以節目沒有一周人物,不過要選的話,一定是佢!

唔知大家有無用過錄音帶作為電腦磁碟?

其實我並沒有用過,因為當年家貧根本買不起一台Apple II,不過還是曾經過學人玩過寫BASIC軟件。
蓋茨1975年未讀完哈佛,就己經同同學艾倫創立微軟。當時嘅個人電腦市場、一直比蘋果喺1977年推出嘅APPLE II所主導。

直至國際商業機器喺1980年,搵蓋茨合作,以「BASIC」做基礎,創造出磁碟操作系統「MS-DOS」,之後幾乎每部電腦都有微軟嘅軟件。

當年蓋茨堅持要保留「DOS」嘅版權,先至可以發展到咗宜家幾乎每部電腦,都有微軟嘅軟件,結果先創造左今日市值2千6百幾億美元嘅商業王國,佢自身家亦都急升,多次喺全球富豪榜排名第一,直至今年先跌至第三。

////////////////////////////
不過微軟並非一帆風順,中間更有不少挫折,由90年代尾起、就一直面對一系列嘅反壟斷指控,由美國打官司打到去歐洲。
新推出嘅VISTA軟件亦被批評硬件要求太高、而唔被市場接納。

最新仲有收購雅虎失敗。

縱有挫折,但蓋茨話,滿意微軟嘅成就。

微軟亦都會進入「巴爾默」年代,分析相信微軟會進行更多嘅收購,去抗衡GOOGLE壟斷網上廣告市場。

離開三十三年嘅崗位,蓋茨咁下一步有咩計劃?

當然唔係好似佢條廣告片咁去做歌星或者吉他手?更不是走去拍番套戲做狼人Logan。

蓋茨話,受佢好友、同樣排名世界首富嘅股神巴菲特所影響,決定將全部時間打理以佢名義成立、規模達到六百億美元嘅慈善基金會。
離開微軟,蓋茨話,佢唔會再花時間喺創造財富、只係會將全部精神放喺基金會,他說日後的敵人就唔再係goog或者蘋果,而係饑餓、疾病同貧窮。佢會透過提供獎學金、以及研究醫治愛滋病。

一個如日中天的人可以放下自己所有,走自己的「未來之路」,無論蓋茨本人有幾大爭議性,這個人物實在令人值得尊重。

留言

匿名說…
係咪有線新聞(channel 9)份稿?
匿名說…
Pls take a look at this page,

http://www25.discuss.com.hk/viewthread.php?tid=7476716&extra=page%3D1&page=2

Show this to you because we, the audience care about you, Cable!

Simon.
匿名說…
唉…

MS-DOS 是微軟自創?不要搞笑了。

只要花少少時間在 Google 找找,就知道 DOS 是微軟騙返嚟的…

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將