浮雲

常聽見「富貴於我如浮雲」，如果由四叔口中講出，大概各位會覺得深感折服，「好嘢，睇得開.....」

但如果由林俊業口出講出，大概各位會話:「小子，大言不慚，搵唔到就搵唔到，浸多幾年股市先講!」

同樣道理，由一個民望下跌緊的特首講出來，真係無咩說服力。

１１０億的紓緩方案，苦了多個政府部門要開夜車，多個政策全部急就章，細節欠奉，最慘係張建宗，一個人孭起晒外傭風波。

其實睇下曾特首做財爺的日子，往往玩狼來了的手段，先放風無料到，最後就變成大洒金錢，推高自己民望，而家你同我講視民望如浮雲？？？

咪玩啦！

/////////////////////////////////////
民望於我如浮雲......

原來仲有下一句:「浮雲於我如生命」。