2008年8月6日星期三

遲,好過早

睇完成分會後聲明,聯儲局嘅評估同上次幾乎完全一樣,都係話消費同出口帶動,令經濟活動保持擴張。

要搵唔同、就係今次喺形容通脹前景時,加多一句「非常」(Highly)唔明朗。

而另一個更顯注嘅分別、就係今次聲明,刪除咗六月時提及、經濟下滑風險會逐步「減退」的字眼。

就係呢一加一減,令市場確信加息時間會押後。

聯儲局嘅觀察家(Fed Watcher)原本以為會議上有更多「鷹派」聲音,但結果只有達拉斯聯邦儲備銀行行長「費希爾」繼續支持加息。

但底係「鴿派」抬頭、定「鷹派」主導,綜合大報及經濟學家嘅意見,係無明確立場。

金融時報話,過去幾個月聯儲局努力控制嘅通脹預期,喺期油步入熊市下,已經輕易達到目的,主席伯南克可以話鬆一口氣。

但以聯儲局最重視的個人開支價格指數升百分之4.1%計,華爾街日報話以而家實質利率係負兩厘,因此加息係遲早嘅事。

而家淨低嘅問題係、到底聯儲局可以捱到幾耐先加息?

如果商品價格真係持續回落,聯儲局官員係寧願、遲好過早。

Bernanke:"Thank God!"

4 則留言:

技安 說...

唔知你哋有冇考慮過換咗newsroom裏面個部發霉LCD/PLASMA?? 唔好當D觀眾先盲先得傢! 有時睇到個記者都特意打側身坐"姐一姐",重有究竟先肯拋棄你哋嗰D核突graphic呀?有冇確實日期?

pakman 說...

Great emphasis on the Real rate of interest.

Good job. No other media outlet caught that.

匿名 說...

肥仔, 好心你寫幾句中文啦
你D英文我唔係睇得好明呀!

pakman 說...

ok