2008年8月23日星期六

劉翔剩餘價值


睇百一米欄比賽,見唔到劉翔,只得來自古巴嘅四眼斯文look跑手「羅伯斯」,無咗對手,無敵最寂莫嘅表情、都令人有啲失望。

原來劉翔雖然無入會場,但佢一樣有睇比賽,佢話自己當晚喺房裡面睇決賽轉播,佢起初以為對手會威脅到「羅伯斯」,之後睇住「羅伯斯
」輕鬆跑出十二秒九三,自己心跳一直就加速,想像自己無受傷嘅話,贏唔贏到「羅伯斯」,佢話無覺得惆悵,反而充滿鬥志喎。

其實無論佢能唔能夠參與北京奧運,我地都好佩服佢,因為佢係第一位中國人,喺國際田徑場揚威,唔再只係黑人嘅天下。

對於今次劉翔要同京奧緣盡,全世界議論紛紛,當然經濟論亦都成為話題。

張五常賽前在佢網誌上講過,翔飛人嘅成敗,個人廣告收入起碼相差十億元,重提消費者剩餘consumer's surplus嘅經濟理論。

根據資料,劉翔代言嘅品牌最少有十幾個,保守估計,商業價值超過五億。

不過暫時嚟睇,劉翔未能奪金牌,好多贊助商仲係支持佢。

其實不難理解,十多個贊助商肯使逾億支持劉翔,一方面是看中他的體育成就,但更大程度是支持他背後的十三億同胞。

當劉翔決定退賽一刻,現場有人落淚、有人悲痛奠名,當場更有八成觀眾離場,加上網上議論雖然紛紛,但整體都是支持的多,十三億人仍然希望劉翔可以傷後復出,就是這一個希望,繼續令廣告商支持我們的英雄。

我們訪問的廣告界都指出,劉翔知道自已有傷、仍然在跑道上亮相,從商業角度上,其實已經將形象上的傷害減至最低。

如果比起衛冕失敗,劉翔賽前退出,對贊助商來講,並不算是一個最差結局。
/////////////////////////////////

講到奧運廣告,商業價格的確好高,今次開幕同閉幕嘅一分鐘廣告,竟然創下2千零8萬嘅天價。

至於對贊助商效益有幾大,數據就顯示,96年亞特蘭大奧運,200幾家有贊助權嘅企業,實際只收番兩成半嘅回報,短暫收益唔大,但長期效益可能好大。

經濟學人話,金牌數目向來都同國家經濟實力掛勾,中國96年亞特蘭大奧運,只攞到16個金牌,到宜家邁向世界第一。

睇番美國,84年洛杉機金牌數目當然驚人,有不可思議嘅83面,不過不要忘記,當年蘇聯是作杯葛。

到宜家,連四百米接力,無論男子定女子組大賽,接棒都可以同一日內「接失」,真係國運都唔幫佢地。

幾百億美金攪奧運,成本未必攞得返,但歷史證明,成功嘅體育運動,可以扭轉全球對主辦國嘅印象。

另一樣得意嘅野,就真係金牌有價,好似霍英東基金就為奧運金牌得主送上一公斤黃金同埋十萬獎金,國家都有獎勵,聽聞金牌廿萬。

無論點都好啦,今屆奧運到周日就典終人散,下屆倫敦奧運會,劉翔都唔過29歲,到時大家一齊睇佢攞金牌啦。

4 則留言:

ll 說...

成單 o野,似係贊助商自編自導多少少 - 國家田聯無咁 o既本事,而欄王不能奪金的最大輸家,應是贊助商,尤其是最大那家.

亞羊 說...

生仔, 再國家找件合美女配種....

MoneyCafe 說...

其實有點想不通,如果真是刻意退賽,又為何要跑第一轉? 若非有人刻意偷步,最後又如何收場?

亞羊 說...

這就是國家機密law...