大奇跡日

去年八一七,今年九一八。

再嚟一個大奇跡日,港股由低位大幅反彈千五點,原來又是去年翻版,又是春江鴨先知!

恒指由早上失守萬7點,跌過1353點,到下晝大幅抽升過二百幾,收市微跌,險守1萬7千6百點。

原本朝早驚華爾街大行一間接連一間出事,拆倉潮引發市場恐慌,點知到下晝另一個世界,證券行內嘅反應當然截然不同。

升市仲可以由低位試過反彈千五點,當然傳聞多多,一時又傳政府救市,財爺即時否認,之後市場又話係「中字頭」掃貨,呢鋪原來係真!

不過,呢個中字頭不單是中資資金介咁簡單,仲要係中國投資公司屬下中央匯金。

即係阿爺!

單看那隻工行就非常凌厲,曾經跌過一成四,最低見過3.45元,離06年11招股價只有幾個價位,但到下晝居然可以不跌反升!

工行A股一樣不得了,由逼近三點一二元人民幣嘅發行價回升。

升市之謎在收市後三小時終於揭開,作為主要國有商業銀行大股東嘅匯金公司,會主動透過市場增持工行,中行,建行股分,有關安排更已由即日進行。

匯金公司直屬管理外匯儲備嘅中國投資公司旗下,報道無提,係增持A股定H股。

根據資料,匯金係建行,中行,同工行大股東,社保基金另外仲持有兩成工行股權。

如此說來,今次匯金公司行動,已經應了摩通提出、動用外匯儲備救市嘅議。

外界更預計,由於國資委表態支持大股東回購股權,國企直屬部委會相繼有行動。

睇落呢個大奇跡日,真係同一年前嘅「八一七」一樣,都係靠住中央出招!

如此看來又是出現了疑似事先走漏風聲事件,作為小股民,其實真有點絛奈,只希望可以盡快救番起個市,至少可以坐下尾班車!

留言

匿名說…
市面上太多散户買了Lehman的structural notes及ELN等產品,由私人銀行到零售銀行;由中資、港資到大行如歐資美資;開始陸逐要call客户,解譯買中雷曼兄弟結構性產品。嘩!無買美股、Lehman's bond 同 stock都要陪葬,D客聽到呆哂!

有個別大行D客户的金額有好幾百球美金,大到連銀行都唔知點解釋!買輪風險高輸清光就話預咗啫!做得ELN都係保守D的客户。一張ELN一百幾十萬美金,突然一夜變咗無,你哋知唔知D banker簡直都唔知點解釋。

喂,我信你銀行至買喎?!又唔係你間银行冧!出事就話自己銀行係agent,對Lehman產品不負責任 ...

你哋知唔知這幾日,幾多銀行又要收律師信俾人告?
匿名說…
今天看MONEY CAFE,主持和孫兄太多講, 可以讓冯两努講?????????
會計仔說…
傻既, 阿爺有錢買咩鬼銀行, 買3大礦業先啦, 你睇下宜家用 2000億cash Rio Pinto, 有冇人有本事match 你呀拿?
亞羊說…
準備上機去英國,再冇機會睇兩位重量級主持...
去養羊仔, 或者再買牛仔??
咩... 咩...
匿名說…
However, I think 冯两努 talks too much...just like a story teller instead of an analyst. Patman's viewpoints are good, unique and analytical. He should speak more among all.
匿名說…
moeny cafe---this program is really good!!
the best financial show in hk.
thx cable news channel much!
Moneycafe說…
亞羊,保重,多謝一直對我們的支持,日後希望可以多放點節目上blog。

對於雷曼今次倒閉,過去幾日的確是較少coverage有關香港人的損失,呢幾日開始有政黨到監管機構投訴,而我們亦訪問了一些苦主,希望趕得切下周初在財經台多一些coverage。
匿名說…
喂,有個別銀行,因所有客户的Lehman產品價值加上來有好幾億美金,要發公開聲明話自己係agent,所以客户損失只係代為跟進,不會自己攬上身 ...

這個別銀行有好幾間 ...市塲傳話包括唔願瞓的銀行、门口有隻動物守住的私人銀行部、在金管局層樓下面嗰間歐資私人銀行 ...

嘩!大件事!
亞羊說…
我都係响應國策,走出去.
為十三億人民的奶努力.
不用謝...
匿名說…
主持talk too much la.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將