2008年9月30日星期二

陰溝翻船

老實說,大家真的認為共和黨那三分二反對救市方案的人,是支持自由市場、能拯救萬民的救世英雄????

咪玩啦!!!

在眾議院投票直播的一刻,全個交易大堂登時鴉雀無聲,全人類震驚得無法想像,有交易員根本不懂得如何反應。

有共和黨人荒謬到提出,美國眾議院議長「佩洛西」嘅一番話,改變咗成個局面,不過有分析相信,部份爭取連任嘅眾議員 ,喺表決時臨陣倒戈,至係形勢逆轉嘅關鍵。

七千億救市方案被否決,佩洛茜嘅一番話,成為眾夭之的,但其實只有12個共和黨員,因為咁而投反對票。但係,近二百個共和黨議員有三分之二,倒戈投咗反對票,點解呢?

十一月舉行嘅美國大選,係個中關鍵。因為四百多個眾議院議席都會改選。爭取連任嘅議員唔想得失選民,步步為營。結果係,廿幾個議席危危乎嘅共和黨議員當中,有十八個投反對票。

形勢相似嘅民主黨議員,亦由於黨領導冇要求佢地喺投票時要立場一致,結果有三份二投咗反對票。

嚟自唔同階層嘅議員,亦各有盤算,黑人議員聯盟嘅38個議員,20個都反對。

嚟自低收入選區嘅議員,亦大部分反對,認為呢分救市方案,幫唔到佢地代表嘅選民。

當然喬治布殊民望低、無說服力亦係原因之一,做過得州州長嘅喬治布殊親自打電話游說家鄉全体議員,但19人當中,只有4人支持佢。

要我信那批議員及麥凱恩無私心? 天呀......唔好玩啦.....
////////////////////////////////
下一步又會如何?

眾議院喺當地星期四復會後兩黨爭取再表決,正協商緊,喺現方案妥協。要通過,依家只係爭12票,相信方案只會小幅度的增補,亦有較為「兵行險著」嘅主張,就係方案原封不動,等個市繼續大跌,迫原本否決方案嘅議員,到時都冇辦法,唯有支持救市。

目前連「國家英雄」財長保爾森承認,依家佢地可以做嘅唔多,經濟學者指,聯儲局好可能喺10月底、下次議息會議前自行或者聯同各主要央行緊急減息半厘、甚至75點子,同時亦有兩手準備,一旦救市方案最終流產,而再有大行出事嘅話,就會好似依家咁、按個別情況處理。

但肯定嘅係這個被視為、治標不治本、冇辦法之中嘅辦法,最終付出嘅代價,會唔止7000億美元。

要留意目前美國聯儲局的彈藥已經唔多,最新掉期協議以及緊急拍賣機制,會向環球金融市場注資 6300億美元,為大衰退以來最嚴重金融風暴作救市準備。

雖然增強資金流動,市場可望暫時喘定,不過鉅額注資可能會令聯儲局資金流,響起警號。

4 則留言:

pakman 說...

The joys of seeing politicians face the Ballot Box.

匿名 說...

Pakman與李兆富一齊做的這一集非常好。可以考慮多D請兩位一齊做,很有火花,正。

MoneyCafe 說...

救市方案中提出以逆向拍賣方式為爛帳資產定價,已算是無方法之中的辦法,否則當銀行倒閉後才拍賣資產,那個價格可能更脫離現實。

其實市場失效是一個很好的議題,希望下次有機會再談。

話說回來,市場已經向否決議案的議員表態(跌777點),敢寫包單,下次兩會一定過。

亞羊 說...

不過李兆富中了Pakman的白銀投資中上了一課.....
以後一定有火花, 真渴望響cable睇睇...

今晚可能再次否決的話......後果??
(亞羊咁講會否被差佬拉呢???)

期待雙曾明早出來護市...