任總的夾萬

不知大家知不知道在任總的辦公室有一個夾萬,內裡藏著的,不是國庫券或什麼金銀珠寶,而是一個個的備用方案。(唔知有無一個係聯匯脫勾?)

據聞這個夾萬已經由一個變成兩個。

昨天任總應該開過呢個夾萬,當中抽出了任五招: 可以簡稱為「任借」

目前銀行要流動資金,除左向同業拆借市場借錢外,亦可以透過金管局貼現借入臨時資金。

新安排下,金管局決定,暫時放寬抵押品要 美國國債都得,唔限於目前只接納外匯基金票據,借款期限亦可以由隔夜,延長到3個月,並取消以往5厘罰息要求。

另外金管局擔當最後貸款人角色,有需要時,會為銀行提供掉期安排,並首次可以按個別情況,為銀行提供一個月臨時資金。

任總話,如果銀行透過呢個機制借錢,金管局係會按情況處理,包括收邊種抵押品,再決定係咪要「剃頭」。

我知任總對美國的救市方案是相當著緊,由上星期尾起已四出打聽救市的進展,到星期一凌晨知道方案被否決後,早上先為出口術叫市場安心,到下午已經出手安定市場資金,真的做到未雨綢繆。

所有事有利都有弊,任志剛承認,新安排下,金融機構較以往更易攞到港元資金,措施只可以暫時推行,否則唔排除港元會被炒賣,即是被人「以子之盾、攻子之盾」。花旗話,金管局五項措施,只會令拆息輕微回落。花旗話,金管局貼現提供最多三個月期資金,息率係基本利率,三厘半,亦即係變相為一至三個月拆息,設定三厘半上限。

假設拆息大幅上升,銀行可以即時向金管局拆入資金。但如果拆息徘徊三厘半水平,情況唔會有改善,而除非美國減息,否則仍然相信銀行要加息四分一厘。

花旗又指,現時最新安排,銀行太易攞到港紙,又唔需要沽出美元,港匯將會轉弱。

可以留意的是,本港的外匯基金票據,未來六個月到期的均出現負利率,反映銀行寧蝕息也寧可將資金放在最安全地方,也不願意在同業之間拆放,任總呢五招應是具針對性,不過真的要留意市場情勢一旦逆轉,就應見好就收,避免後欄失火。

留言

匿名說…
老實講,我唔係經濟人,唔係太睇得明。點解金管局有咁多錢俾人借?乜野係外匯基金票據呢?

有無網頁介紹呢d terms同埋mechanism呢?Thanks very much!
匿名說…
個簡稱:「任借」
改得好
亞羊說…
咁D, CDO, 次on債券, 迷你債券 又得唔得??
可能銀行勁持呢D証劵wor!!!
亞羊說…
任舉 又如何??
Moneycafe說…
「任舉」....正到爆!

其實金管局自己個網,對貨幣基礎的解釋是相當清析,可以睇一睇先。

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」