親密戰友

估唔到任總一日之間，就變成阿伯。

「任伯」......

琴日特首最好睇部分，除了毓民拋蕉，就要數老曾在記招上怒駡銀行「拖數」(其實佢真係有鋪駡銀行癮，記唔記得銀行家打高爾夫球事件?)，以及話，特區金融斑子個個年記大，個個開始約滿.

「任總先生佢都過左六十,任總先生做左好多野．．．不過佢年紀大啦」

最衰係仲要係講埋陳德霖個名出嚟.......

我真係孫柏文咁講，由陳德霖做，唔單止恆指要跌，銀行之間更家會不互信，到時拆息唔知要升到幾高先夠?

老曾真係好涼薄，仲夠膽說什麼親密戰友，想嘔.....
///////////////////////////////
其實成分施政報告最大message，係話受金融海嘯影響，經濟會進一步放緩，警告定今次嘅危機，破壞力遠超過十年前嘅金融風暴，因此有需要重新檢討政府角色，喺關鍵時刻，可以強而有力介入。

關鍵係「介入」!

因此政府喺銀行、證券、基金、以致保險同強積金都可以順理成章被要求加強監管。

特首話，拖得太耐, 銀行今個星期內一定要回覆。

曾蔭權話，金管局一直調查緊雷曼迷你債劵嘅投訴，一旦確認銀行銷售有問題，必須立即同客戶展開商討，而金管局會成立獨委員會跟進。

有銷售銀行話，銀行根本無拖慢處理問題。

由於雷曼迷你債券系列眾多,估值無可能今個星期內做到,銀行無估值，亦根本唔可以向客戶提出贖回價。

有銀行更指，特首提出咁嘅要求，令業界好難做，希望當局了解，整個估值工作繁複，同要時間,銷售最多雷曼迷你債券嘅中銀香話，唔能夠確定係咪可以喺呢個星期內決定。