教訓

喺環球股市一片回穩之中,兩個星期前先至大幅減息嘅冰島中央銀行,突然大幅加息六厘,令市場相當震驚!

雖然央行否認,不過分析認為主要係受到國際貨幣基金組織壓力,亦都再一次印證到九七金融風暴經濟經驗:就係接受援助國家,肯定要付上非常大代價。

冰島央行宣布,加息六厘,利率加到18厘。

冰島央行今個月十五號,先至減息三厘半,同時接管三間銀行,避免銀行倒閉引發經濟崩潰。

雖然銀行被被接管,不過信心危機已經是前所未有的嚴峻,貨幣克朗大幅眨值。

有分析指,冰島央行咁做,可能係應國際貨幣基金組織嘅要求,希望透過高息先穩定貨幣。較早前,國貨幣基金組織通過貸款21億美元、援助冰島、穩定經濟同金融市場。

有交易員就不大相信,單是加息就可以拯救經濟: 「如果貨幣每日眨值一成半,單靠增加六厘息口,你會否買克朗?」

冰島作為1976年以嚟、首個被IMF援助西方國家,今次被金融海嘯幾乎沒頂,加息係無可避免,國民肯定要為之前經濟泡沬付出代價。

不過要留意,係九七金融風暴以嚟,多國亞洲國家好似係南韓加息到三十厘,但都無助穩定金融市場,經濟復元最少要三至五年,今次冰島能否逃過宿命?

留言

亞羊說…
都好呀,可以用當地貨幣買D三文魚.....
匿名說…
根本IMF就係一個大耳窿....
借左錢比你冇錢冇大佬照冇拳頭你就要同佢賣seafood...
匿名說…
無知識,無見識,無見解,無分析,無觀察力
用批評他人或政府來掩飾自己無知
唯有低B青

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將