替死鬼

「迷底」經已解開!

因為買左外匯ACCUMULATOR、而錄得百幾億虧損嘅中信泰富股價重挫五成半,回落至十七年前嘅低位。

剩底嘅市值、仲少過琴日公布嘅帳面虧損百五億。

咁大宗嘅失誤,外界嘅反應就係﹕充滿問號。

到長毛David Webb查出,原來榮智健個女「榮明方」,亦都係擔任財務部董事,事件先可以說是「豁然開朗」,亦變得非常合理。

兩個五十多歲的CFO,有咩理由唔知呢類KILL仔高風險?要對沖都大把選擇,唯一解釋,就是有人做錯事,需要找人「祭旗」。

范先生說:「張立憲是高級過榮明方,點會做替死鬼,替死鬼係低級代替高級。」

有絕對理由相信,范先生是講緊反話!

三十六歲嘅榮明方,係主席榮智健嘅二女。

根據年報,佢係中信泰富財務部董事,范鴻齡證實,佢都受到處分,包括不再適合留在財務部,要減薪降職。

范先生不是已經告訴大家,榮明方係有分參與、否則邊個夠敢罰太子女?

至於范鴻齡自已角色,佢話公司嘅財務決策層,係直接向主席榮智健匯報,職責上唔係自己嘅管轄範圍。

一間大藍籌公司的CEO,居然無分參與財務決策,范先生,不如早點離開!?
///////////////////////////////////////////////////
大錯已經鑄成,咁到底中信泰富炒燶咗嘅外匯ACCUMULATOR,最終要蝕幾多錢?

單係計最大比例嘅澳元,要接嘅貨就達到94億澳元,高盛話若果澳元進一步下跌,每跌一美仙中信嘅損失就多九千四百萬美元。


如果喺最壞情況,花旗計過數,若然澳元最終落至五十美仙水平,總虧損會高達二百六十億港元,大過公司現時只得返142億嘅市值。

仲有一個兩難。

管理層雖然同我地講,想快啲一次過解決事件,但若果佢地真係咁做,就係一次過買斷晒幾年嘅澳幣,亦即係話,即使澳元升返都無仇報。

留言

匿名說…
今日止血 無幾多就無幾多

等 AUD 升翻 不是 機構所能面對的
匿名說…
THIS REALLY PROVIDES AN IDEAL TIMING/OPPORTUNITY FOR HKSAR GOVERNMENT TO BUY BACK THE TUNNELS FOR US!

p.s moneycafe, have you ever considered inviting David Webb onto your show?
pps. when will you guys finally change the graphics set? my growing neck can't wait any longer!!

Tim

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將